الحمار كان بيلف ويقول لكل سكان الغابة  

إن ورق الشجر لونه أزرق و محدش وقفله غير النمر 

و قاله لأ على فكرة ورق الشجر لونه أخضر 

و بعد خناقة إتلم فيها الحمير على النمر 

و القرود جم و عملوا زيطة ...

قرروا كلهم يروحوا للأسد ملك الغابة و يحكموه مابينهم

سمع الأسد المشكلة و بدون تردد حكم على النمر إنه يتعاقب 

الحمار كان في منتهى السعادة و راح هو و أصحابه يعملوا حفلة بمناسبة إنتصارهم على النمر و إنهم طلعوا صح

النمر إتصدم من الحكم و لكن مفيش قدامه حل 

غير إنه ينفذ العقاب بس قبل ما يتعاقب قرر يسأل الأسد 

هو بجد ورق الشجر لونه أزرق؟؟

الأسد رد و قاله لأ طبعاً ورق الشجر لونه أخضر ...

بس إنت مش هتتعاقب عشان لون ورق الشجر 

إنت هتتعاقب عشان ميصحش إن حد قوي و بيفهم  

يضيع وقته في إنه يقنع الحمير إنهم غلط 

هتكون بتضيع وقتك لما تناقش حمار مش فارق معاه الصح و الغلط ...مش فارق معاه الحقيقة ...

كل اللي مهم عنده إنه يطلع هو الصح

#العبرة 

في ناس كتير كده مهما وريته بالأدلة أنو غلط 

برضو هيفضل مصمم علي رأيه وهيفضل يدافع عن قناعاته باستماته حتي لو كانت غلط

معندهمش القدرة أنهم يميزوا أو يفهموا أو يشوفوا الحقيقه

سمية غباء أو غرور مش هتفرق 

ذي نقاشك معاهم بالظبط .... برضه مش هيفرق

#منقول