3 كيلات فرينة من الأحسن تكون ماما t 45 ولا سيم لانو النتيجة تختلف الفرينة تلعب دور كبييير +

كيلة سمن زبدة ذاؤبة نبسسو العجينة ملييح و نزيدو حوالي ملعقتين سكر ناعم + فانيليا + قرصة خميرة كيميائية و قرصة ملح نخلطو ملييح
و نزيدو كيلة حليب + ماء الزهر الحليب راح يبنن العجينة و تولي بيضاء أكثر و نطمو العجين بدون عجن و نضمنلكم بلي لعرايش تاعكم او الكعيكعات يجو يذوبو فالفم .

بالنسبة للحشو ممكن راح تستغربو ولكن نستعمل وصفة المخبز للحشو يعني 3 كيلات لوز او كوكاو + كيلة سكر + قشور الليمون ( زاست) + فانيليا و عطر اللوز و ملعقة سمن و نطمو بالبيض حتى تتشكل عندي عجينة.
بالنسبة ليا نوزن العجينة 30 غ و الحشو 20 غ باش مجيش الحبة فيها العجين بزاف و كل واحد و الذوق تاعو.

الڨلاصاج : فنجان اتاي حليب + فنجان عصير ليمون + فنجان ماء الزهر + 1 بياض بيضة و نخلطو و نضيفو السكر الناعم حتى تولي عندنا عجينة نعجنوها ملييح و نزيدو الزيت تدريجيا باش نتحصلو على القوام المطلوب و نشكلوها كيما نحبو