جمبري مشوي

المكونات:
• 1/2 كيلو جمبري كبير مقشر
• 2 ملعقة كبيرة زيت زيتون
• 1 ملعقة صغيرة بابريكا
• 1/2 ملعقة صغيرة كمون
• 1/2 ملعقة صغيرة كزبرة ناشفة
• 2 فص ثوم مهروس
• 1 ملعقة كبيرة عصير ليمون
• ملح وفلفل أسود حسب الرغبة
• 1/2 ملعقة صغيرة شطة (اختياري)
• أسياخ خشبية (منقوعة في ماء لمدة 30 دقيقة)

طريقة التحضير:
في طبق كبير، اخلطي زيت الزيتون مع الثوم المهروس، البابريكا، الكمون، الكزبرة، عصير الليمون، الملح، الفلفل، والشطة لو بتحبي الطعم الحراق. ضيفي الجمبري للخليط وقلبيه كويس لحد ما كل حبة تتغلف بالتتبيلة، وسيبيه يرتاح في التلاجة لمدة نص ساعة عشان ياخد الطعم.

بعدها، اغرزي الجمبري في الأسياخ الخشبية، وحطيهم على شواية ساخنة أو طاسة جريل مدهونة بقليل من الزيت. اشوي الجمبري على نار متوسطة لمدة 2-3 دقائق لكل جانب، لحد ما ياخد لون دهبي جميل.

*الـلَّـهـم لا يـفـارقـنـا سـتـرك حـتـي بـاب الـجـنَّـة*

الجبنة المقلية المقرمشة

المقادير:
• 1.5 كوب بقسماط
• ¾ كوب دقيق
• 2 بياض بيضة مخفوق مع 2 ملعقة كبيرة ماء
• 250 جم أصابع جبنة موتزاريلا أو جبنة رومي مقطعة أصابع
• ½ ملعقة صغيرة ثوم بودر
• ½ ملعقة صغيرة زعتر
• ½ ملعقة صغيرة ملح
• زيت للقلي

طريقة التحضير:
في طبق، اخلطي الدقيق مع الملح، وفي طبق تاني اخلطي البقسماط مع الزعتر والثوم البودر.

غمّسي أصابع الجبنة في الدقيق، بعدين في خليط بياض البيض، وأخيرًا في خليط البقسماط. رصيها في صينية، وغلّفيها بكيس نايلون، وادخليها الثلاجة لمدة 30 دقيقة علشان تتماسك.

سخني زيت غزير على نار متوسطة، واقلي أصابع الجبنة لحد ما تاخد لون ذهبي. طلّعيها على مناديل مطبخ علشان تمتص الزيت الزائد، وقدميها سخنة مع أي صوص بتحبيه.