طاجين السردين كواري غنشارك معاكم طريقتي المعتمدة تنغسل السردين تنقيه من شويكات لكبار تنحيد السلسول وتنقشرو تنخليه يتسقطر تنطحن لهبيرة مع الربيع والتوم ولبابة تاع لمصير غي شوية من بعد تنضيف ملح بزار تحميرة كمون حرقوم شوي سكنجبير ومعلقة زيت زيتون تنخلط لكفتة وتنكورها تنحطها غي شوي فالتلاجة
تندير مطيشة مطحونة فالطاجين مع شوية الربيع والتوم وزيت الزيتون وشوي العطرية السابقة متنكترهاش ونخلي لاصوص طيب شوية وتنستف عليها خضيرة متلا جزر وبطاطا ونزيد فوقهم الكفتة ونخوي زيت الزيتون من فوق وشوية عصير الحامض وممكن كدلك مديروش خضرة غي كترو لاصوص وحطو فيها الكواري تلحوت انا تيعجبني مع الخضرة .وفالتالي تنزوقو كيف ما فالصورة بصحتكم