Azuol aymzigh

جاتوه شاتوه

المقادير

كوب زيت
كوب سكر ناعم
نصف كوب حليب
نصف كوب كاكاو خام
2 بيضة
كوب ونصف دقيق
معلقة صغيرة بيكنج بودر
ڤانيلا
رشة ملح

طريقة التحضير

نضرب السكر مع الحليب كويس جدا في الخلاط ونضيف عليهم الزيت والكاكاو ورشة الڤانيلا ونضرب تاني.
نشيل مقدار كوب من الخليط ده على جنب ونضيف لباقي الخليط الدقيق والبيض والبيكنج بودر ورشة الملح وباقي الفانيليا ونضربهم في الخلاط.
ندهن الصينية ونصب فيها الخليط وندخلها فرن مسخن مسبقاً على درجة حرارة 180 لمدة 20 دقيقة.
بعد ما تبرد نصب عليها الصوص اللي شيلناه على جنب ونقطعها حسب الرغبة.

*`طريق النجاح ليس مفروشاً بالورود، لكن بالصبر والإيمان والتخطيط الجيد، يمكنك أن تعبره بكل عزيمة وتفاؤل.`*

(البسبوسه )

المكونات :
نص كيلو سميد بسبوسه
كوب سكر أبيض
كوب لبن
كوب إلا ربع سمنه
٢ معلقه كبيره جوز هند
٢ معلقه كبيره عسل أبيض
نص معلقه صغيره بيكنج بودر

السيرب أو الشربات :
٢ كوب سكر
٢ كوب ميه
عصرة ليمون
معلقتين جلوكوز ( اختياري )

الطريقه :
هنقلب المكونات الجافه السميد و السكر و جوز الهند و البيكنج بودر في بوله و بعدين ندفي السمنه مع العسل و ننزل بيهم على الخليط الجاف و نقلب كويس أوي لحد ما نتأكد ان كل السميد اتغلف بالسمنه و بعدين ندفي اللبن و نضيفه و نقلب من غير عجن كتير .
هنجيب صنيه مدهونه سمنه و ننزل فيها الخليط و نساويها بإيدنا او بسباتيولا و نوزع مكسرات حسب الرغبه .

التسويه :
هندخلها فرن سخن على درجة حراره ٢٠٠ من ١٥ ل ٢٠ دقيقه لحد ما الأطراف تتحمر و بعدين نولع الشوايه مع المتابعه لحد ما تاخد لون حلو و نطلعها نسقيها سيرب سخن نكون مقلبين معاه معلقه كبيره سمنه و بألف هنا.

ملحوظه :
لو عايزين نقلب البسبوسه من الصنيه بسهوله ممكن نفرش الصنيه بكيس حراري و ندهنه سمنه.وألف هنا.