كعيكعات بشوكولا
المقادير
250 غ زبدة طرية
نص كاس زيت
كاس سكر قلاص
2 حبات بيض
4 ملاعق كبيرة مايزينة
كاس كاوكاو محمص او مرحي
كاس قوفريط مرحي فاني
كاس بيسكوي مرحي بيمو
لفاني ملعقة صغيرة خميرة حلويات نوارة
فرينة سيم
طريقة التحضير
في إناء ندير زبدة طرية مع سكر قلاص نخدمهم مليح بلباتور تم نضيف الزيت او نخلط تم نزيد البيض بلوحدة او نخلط تم نضيف عليهم مايزينة او نخلط تم نضيف عليهم كاوكاو او بيسكوي او قوفريط او نخلط كلش مع بعض تم نحبس باتور او نضيف فرينة بشوية مع ملعقة صغيرة خميرة حلويات نوارة او لفاني او نلم العجينة تاعي خليها طرية او شكليها كعيكعات ولا اصابع ولا علا شكل تشاراك كيما تحبي او ديريهم في سنيوة تاعك تكوني سختني الفور تاعك ديريهم يطيبو على نار هادئة كي يطيبو او تخرجي سنيوة خليهم حتا يبردو باش ترفديهم باسكو ايدا رفتيهم او هما سخونين رح يتكسرو باسكو لعجينة هادي تجي طرية بزاف كي يبردو اقلاصيهم
ذوبت علبة شوكولا بيضاء في حمام مائي كي ذابت ضفت عليها 2 ملاعق كبيرة زيت او نص كاس كاوكاو مرحي او محمص خلطت مليح او بديت نقلاصي فيهم بلوحدة او خليهم ينشفو
ستعملت شوكولا دادا
ملاحضة هاد الكمية ديرالك 45 حبة
شوكولا باش ذوبلك بلخف قطعيها صغيرة او غير ذوب ضيفي عليها زيت او خلطي مليح تم ضيفي كاوكاو او نخلط مليح
كعيكعات تاعك حتا يبردو مليح باش تقلاصيهم
تقدري في بلاصتك كاوكاو مرحي ديري نوات كوكو ( جوز الهند
كيما تقدري ديري قوفريط لي تحبي شوكو فاني فرولة