حرشة ساهلة و النتيجة روعة
المقادير :
3 كؤوس عنبة سميدة
2 كؤوس حليب دافئ ممكن تعويض الحليب بالماء
ملعقة كبيرة سكر
ملح
1 خميرة الحلويات
ملعقة صغيرة خميرة حبيبات
ربع كأس زيت نباتية
الطريقة :
في إناء نضع السميدة ثم السكر و الملح و الزيت نخلطو مزيان راكم عارفين طريقة نقصو نصف كأس من الخليط نخلوه نكرسو بيه الوجه ديال الحرشة ثم زيد الخميرة ونجمعها بالحليب او الماء حسب الرغبة ( للأمانة بالحليب تتجي حسن) نخلطوها خفيفة ثم نخلوها ترتاح مابين 10 الى 15
دقيقة بعد مرور هد المدة غادي تكون شربت شوية ناخد المقلة التقيلة ندهنها بالزيت ونرش عليها سميدة ناشفة ماشي من داك، النص كاس لا هداك مزال نحتاجوه لمهم تنحط الخليط فالمقلة نفزك يدي بالما ونكرصها حتى نقادها مزيان عاد نجيب داك نصف كاس لي خليت من الخليط ونغطي بيه الوجه نقاد الجناب بالملعقة عاد نحطها فوق البوطة نار تكون متوسطة مرة مرة نحرك المقلة نحس بيها تتحرك كاملة نقلبها نحمرها من الجهتين
بالصحة و الراحة