الكفته المدلعه من غير فرن مش محتاجة غير عيش وبس
المقادير
نص لحمة مفرومة
٢ بصلة مبشورة
(البصلة بعد ما تتبشر نرش عليها رشة ملح ونستناها تنزل مايتها و ناخذ بس تفل البصل )
ملح - فلفل اسود - بهارات كفتة
ملعقة صغيرة بيكنج باودر
زيت
ليه ضاني
بصل مقطع جوليان
فلفل حامي و رومي مقطع شرائح
طماطم شرائح
ملعقتين صلصة
الخلطة
٤ فلفل رومي علي حامي
٤ فص ثوم
نص حزمة بقدونس
نص بصلة
ملعقة كبيرة خل
ملح -كمون- كزبرة ناشفة

الطريقه
هنعجن اللحمه المفرومه بالبصل المبشور والتوابل والبيكنج بودر ونصبعها او نعملها كور ونسيبها ترتاح شويه
هنسخن طاسة كبيرة علي النار وننزل بالزيت واللية وعليهم صوابع الكفته تتشوح شويه ونشيلها علي جنب وننزل في نفس الطاسة بالخضار الجوليان كله يتشوح كويس ونرجع الكفته تاني عليه و معلقة الصلصه ونسيبها يغلو
هنروح بقي للخلطه السحريه هنضرب المكونات كلها في الكبه وننزل بيها علي الكفته والخضار وكله ياخد غلوه مع بعضه واطفي النار وبالف هنا وشفا