*تـذكـر ذلـك جـيـداً ....الـبَـارّ بـوالـديـه ..لا يـضـيـع ولا يـخـيـب ولا يـخـسـر أبـداً*

تشيز كيك لوتس
المقادير:
لطبقة البسكوت:
٢٥ قطعة بسكوت لوتس
نصف كوب زبدة سايحة
لطبقة التشيز:
٤٠٠ جرام جبنة كيري سبريد
١ كوب كريمة خفق سائلة
٣ معالق كبار سكر بودرة
٣ معالق كبار زبدة اللوتس
للطبقة الاخيرة:
نصف كوب زبدة لوتس
الطريقة:
لطبقة البسكوت نطحن البسكوت في الكبة ونطلعه نحط عليه الزبدة ونخلطهم ببعض كويس جدا ونجيب صينية التشيز كيك نحط البسكوت ونضغط عليه كويس ونحطه في الفريزر لحد ما نعمل طبقة التشيز.
لطبقة التشيز:
نضرب كريمة الخفق السايلة كويس جدا بالمضرب الكهربائي لحد ما تتقل ونجيب الجبنة الكريمي نحط عليها السكر البودرة و٣ معالق زبدة اللوتس ونضربهم كويس اوي بالمضرب الكهربائي ونحط عليهم كريمة الخفق السايلة اللي ضربناها في الاول ونخلطهم ببعض كويس ونحطهم علي طبقة البسكوت وندخلها الثلاجة لمدة متقلش عن ٤ او ٥ ساعات ونطلعها نحط عليها كريمة اللوتس لو مش سايحة نحطها في الميكرويف ٣٠ ثانية تفك ونطلعها نحطها علي التشيز ونحط بسكوت لوتس مفروم علي الأطراف