بريوش محشي بالشكلاط هشيش ولذيذ

المقادير:
كاس ماء
بياض بيضة
1 ملعقة كبيرة خميرة الخبز
4 ملاعق سكر (سنيدة)
6 ملاعق زيت المائدة
ملعقة كبيرة زبدة
8 غرام سكر فانيلا
الدقيق حسب الخليط
صفار بيضة لتزين
شكلاط مربعات للحشو

طريقة التحضير 1. في وعاء مناسب نخلط الماء الدافئ مع الخميرة والسكر والملح حتى يتجانسو نضيف البيض والزيت ونخلط ونزيدهم كاس دقيق ونخلطو بحال الكيكة ونخليهم واحد 10 دقائق.

2. بعد مرور 10 دقائق نبقى نزيد الدقيق ونعجن حتى يولي عندي واحد العجين كيلتسق شوية فاليد.

3. ثم نزيدو الزبدة ونعجنو حتى دخل فيه مزيان ونخليه يخمر حتى يضاعف الحجم ديالو ويولي خارج من الوعاء.

4. نجيب طاوة ندهنها بالزيت او نوضع فيها ورق الطبخ ونبقى نشكل كرات ونوضع فيها قطعة من الشكلاط ونغلقها مزيان ونقادها ونقرصها شوية ونحطها فالطاوة حتى نسالي كل شي بنفس الطريقة.

5. نخليهم يخمرو مزيان ويضاعف حجمهم، ندهنم بصفار بيضة ممزوج مع قطرات من الحليب و نرشهم بلوز إيفلي أو السمسم.

6. نسخنو الفران مزيان ندخلوهم فيه النار من التحت والفوق على 200° حتى يتحمرو وينضجو ونخرجوهم، ثم نقدمهم بالصحة والعافية.