ماك آند تشيز 💛 المكونات : • 250 جرام مكرونة مسلوقة • 2 معلقة كبيرة زبدة • 2 معلقة كبيرة دقيق • 2 كوب لبن • 1 كوب جبنة شيدر مبشورة • 1 معلقة صغيرة صلصة طماطم (اختياري) • ملح وفلفل أسود • ½ معلقة صغيرة كركم الطريقة: 1. في حلة على نار متوسطة، نسيح الزبدة ونضيف الدقيق ونقلب لحد ما يبقى لونه ذهبي فاتح. 2. نضيف اللبن بالتدريج مع التقليب المستمر بمضرب يدوي لحد ما القوام يبقى كريمي. 3. نضيف الصلصة (لو هتستخدميها)، مع الملح والفلفل والكركم، ونقلب كويس. 4. أول ما الصوص يتقل، نخفض النار ونضيف الجبنة المبشورة ونقلب لحد ما تذوب تمامًا. 5. نضيف المكرونة المسلوقة للصوص ونقلب كويس. 6. ممكن تقدم مباشرة أو تحطيها في طاجن، ترشي جبنة على الوش، وتحطيها تحت الشواية دقيقتين لحد ما تتحمر. ملحوظة: ممكن تضيفي للطبق بعد ما تغرفيه قطعة جبنة شيدر وتسيبيه 30 ثانية في الميكروويف عشان تسيح وتدي قوام أغنى.