⚠️نصائح أمهاتنا في الطبخ باش تكوني لالة ومولاتي فدارك🌹بغيتي طيبي الدجاج و يجيك بنين ديما فاش تبغي تنصبي شحريه بالسمن و الهريسة و التومة و الربيع كتكون ريحة فيه كتشهي. 🌹كاطيبي الخبز و كيبقى بيض ولا جناب بيضين سمعي ا حبيبتي شدي طبيسيل ديري فيه شوية د الما و فاش يخمر تبغي ترميه دهنيه من الفوق ماشي تسمعي هاكا تقوي الما حتى يتعجن لا غير شوية بالشيتة 🌹كطيبي ليباط بلا زعتر و بلا حبق سمعي يا الهبيلة واخا تكون ليباط حرفية ديما نسميها بالزعتر ولا الحبق 🌹كتغسلي الدجاج غير بالخل و لا الملحة لا يا اختي ديما رقديه واحد ساعتين فسكنجبير و الحامض و تشوفي الدجاج كيف يولي كيشعل 🌹طيبتي الدجاج وباغا ديريه فالفران ماشي غير تجي و تخشيه فمرقتو ببصلتو لا صفيه و شدي زلافة ديري فيها صلصة الصوجا و شوية السمن و الهريسة و دهني الدجاج مكانتش عندك الصوجا ديري الموطارد 🌹الخص ايييه الخص داك الغسيل المزروب ديالك بلاش منو شدي زلافة ولا بانيو ديري فيها الما و الخل و رقديه تشوفي التراب و الحشارات لي غيتحيدو منو 🌹لفريت د الدار مكتصدقش ليك عادي خلينا من الصليق شدي بطاطا قطعيها و ديري بانيو فيه الما و قوي الخل و رقديها قدما رقدتيها مزيان كتجي مقرمشة و مكتشربش الزيت ♥️إوا أختي قريتي وستفدتيما تنسايش شي دعيوة الخير ولك بالمثل ♥️تشجيعاتكم تحفزني على الإستمرار دائما 👍🤗