لحم بالبرقوق المغربي 💯🇲🇦 هو الأول عالميا في مزج الحلو و المالح كنمودج اللحم بالبرقوق 👑🇲🇦 🍛طريقة تحضير اللحم بالبرقوق والمشماش ولوز 🍛 المقادير: 2 كيلو لحم الملج ديال البكري او غنمي 2بصلات مشلضين ربطة قزبور و معدنوس 3فصوص ثوم مهروس معلقة صغيرة قرفة بودرة نصف معلقة صغيرة ابزار معلقة كبيرة سكينجبير معلقة كبيرة خرقوم معلقة صغيرة راس الحانوت معلقة صغيرة قعقلة و بسيبيسة اي (المروزية) 2 اعواد قرفة معلقة صغيرة زعفران شعرة مدوبة فنص كاس ماء دافئ معلقة صغيرة سمن بلدي نص كاس مخلط بالزيت البلدية و الرومية معلقة كبيرة ملح باش نعسلو البرقوق و المشماش و الشريحة : كأس برقوق مرقد فالماء كاس مشماش مرقد فالماء كأس شريحه مرقدة فالماء 2 اعواد قرفة كاس ماء 3 معالق كبار عسل ناخدو اناء نحطو فيه اللحم نزيد العطرية و الزيت نشرمل اللحم مزيان نغطيه بالسولوفان نخليه مرقد ليلة كاملة الغد ليه ناخدو طنجرة ندير فيها السمن و شوية زيت ملي تسخن نستف فيها اللحم نقليه شوية ندير البصلة و الملح و القزبور و اعواد القرفة نغطيه يتشحر شوية و نضيف زعفران لي مدوب فالماء و 3 كيسان ماء مغلي نغطي عليها نخلي كولشي يطيب ناخد كاسرولة ندير فيها البرقوق و المشماش و شريحه القرفة الماء و نحطها فوق البوطة واحد 10 دقايق نضيف العسل نخليه يتعسل و نطفي عليه نخليه يبرد نقليو شوية ديال اللوز و ملي يطيب اللحم و يتعسل نعمروه فطبسيل و نزينوه بالبرقوق و المشماش و شريحه و اللوز بالصحة و الراحة