🔴 الناس اللى بتعانى من نقص فيتامين د و بتاخدله ادويه كتير و مش بتحس بتحسن بص كدا فالصوره دى 👇 ووركز معايا و تبقا من العمد لو عرفت هى ايه دى قبل ما توصل لاخر البوست 🙂🙂 (لو عرفت هى ايه هتكسب معانا حقنه هديه 😊) بس لا هو مش اكل عصافير 🐦 زى ما انا كنت فاكر 😒 ندخل فى موضوعنا و نسأل نفسنا سؤال مهم جدااا 🔴 هو احنا بناخد فيتامين د لييييه؟؟!! 🤔🤔🤔 ١- عشان وجع العضم و هشاشة العظام ٢- ولا عشان تساقط الشعر ٣- ولا عشان نخس؟؟!! 🤔 طبعا الاجابه ان بنسبة ٩٩.٩% من الناس بتاخد فيتامين دا عشان وجع العضم و هشاشة العظام و نضيف عليهم عشان الشعور بالتعب و الارهاق و قلة التركيز و لكن كتيييير من الناس ناسيه معلومهم مهمه جدااااا جداااا جدا جدا جداااااااااا وسع كدا شويه... 😏 جدا جدا جدا جدا جدااااااااااااااا فيتامين د زمان لما كان الدكتور بيشرحهولنا فالجامعه كان بيقولنا تعبير حلو اوى "فيتامين د هو الصمغ اللى بنلزق بيه الكالسيوم فالعضم" يعنى كالسيوم و فيتامين د ناقص عندك مش هيلزق فى عضمك و مش هتستفيد بيه و لو بتاخد فيتامين د كتيير و معندكش كالسيوم يبقا برضو مش هتستفيد بيه الاتنين مكملين لبعض ووفى كلا الحالتين لو دا ناقص او دا ناقص فانت هتفضل تعانى من هشاشة العظام و المه و الكسور المتكرره و توابعه من المشاكل الصحيه بس مش بالضرورى عشان قولتلك لازم تاخد كالسيوم تسألنى طب ايه افضل كالسيوم ناخده يا دكتور؟؟! 🤔🤔 لا ما انا هنا جاى اوعيك مش اضحك عليك و اسطعبطك و شغل دعايا و شركات و روح اشترى الكبسوله كذا و كدا و ابيع و اشترى فيك و اتاجر و اكسب بصحتك تؤتؤ ابسليوتلى انا جاى اقولك ان الكالسيوم موجود فى اكلك و شربك عادى بس انت محتاج تتك على كام حاجه كدا غنيه بالكالسيوم زى مثلا... ١- اللبن و الجبنه و الذبادى و دول كلنا عارفينهم 😏😏 طب اللى مبيحبش الحاجات دى يعمل ايه يا دكتور؟؟! يموت يعنى يجيلو كساح و لين عظام؟! 😏😏 لا يا قلب الدكتور ٢- الفلفل الاخضر مليااان كالسيوم ٣- السمسم مليان كالسيوم ٤- الملوخيه الخضرا مليانه كالسيوم ٥- الورقيات الخضرا زى الجرجير مليااان كالسيوم ٦- البروكلى و الكرمب مليانيين كالسيوم ٧-الاسماك زى السردين و السامون مليانييييين بالكالسيوم ٨- اللوز غنى بالكالسيوم ٩- البيض مليان كالسيوم ١٠- السمسم و الطحينه اللى معموله من السمسم من الحاجات الغنيه بالكالسيوم 🙂 ١١- و اخيرا اللى فالصوره اللى تحت دى 🙂 بذور الشيا.... بذور الشيا من المصادر الغنيه بالكالسيوم و لو مش عارف تستخدمها ازاى حط معلقه على كباية لبن و سيبها نص ساعه لحد ما تنفش ايوا بتنفش والله 😊😊😊 و اشربها او ممكن كباية زبادى 🙂 او ممكن تضيفها على السلطه 🔴 بذور الشيا كمان مش بس غنيه بالكالسيوم دى: ✅️ بتخلى البشره اكثر صحه و نضاره ✅️ بتحسن من اداء الجهاز الهضمى ✅️ بتزود الشعور بالشبع لفترات اطول و تأخر الشعور بالجوع ✅️ غنيه جدا بالمعادن و الفيتامينات و البروتينات دا طبعا غير انها غنيه بالكالسيوم 🙂 ✅️ بتقلل الامساك ✅️ غنيه بالفسفور و الماغنسيوم ✅️ غنيه باوميجا ٣ ✅️ غنيه بالحديد و مجموعة فيتامينات ب و غيرها تانيه من الفوائد الكتير اوى 🙂 بس انت عرف غيرك و تابعنى 😉 كان معكم من قلب الصيدليه و علب الحقن و اللبوسات #الدكتور_بسام_انور Louiza Cherif