السلام عليكم وصفة اليوم جديدة و سهلة اقتصادية و بنييينة ههه نبدا بسم الله ⁦👩‍🍳⁩😋 فطائر المقلاة ⁦👩‍🍳⁩ المقادير: كاس حليب دافئ مغرف صغيرة خميرة لعجين مغرف (ص ملح + مغرف (ص سكر 4 مغارف زيت + فرينة باش نلم العجينة الحشو: فيونداشي و نعوضوه بولي آشي انا درت بولي آشي باش تكون الوصفة اقتصادية و خفيفة على الكل قلنا بولي آشي 2 حباة بصل مقطعين رقيق 4 حبات فلفل حلو ( طرشي) مقطع مربعات ص زيت + ملح+ فلفل اسود+ مغرف طماطم مصبرة و نحمس الكل في مقلاة و نخليهم يدو هديك التحميسة مليح قبل منطفي نقطع معدنوس رقيق و نضيفو في المقلة . نولو العجينة نكبل دوائر حجم معقول كل وحدة واش تحب نفتحها بحلال دائرة نجيب الحشو نحط في طرف و نزيد فرماج و ندهن الاطراف بلماء و نغلق الفطيرة على زوج تتشكلي شكل النص فطيرة كيما في الصورة نكمل ب ديك الطريقة نسخن المقلاة و نطيبهم و نقدمهم مع شربة اي حاجة شهية طيبة نتمنى الوصفة تجربوها و تكون خفيفة عليكم 😋⁦👩‍🍳⁩😍 متنساوش طلعولي لاباج باش بنات وحدخرين يستفادو سلااااام زينات ⁦♥️⁩