خبز طاكوس تورتيلا منزلي
لشيف : فارس جيدي
الوصفة: مكتوبة ومركبة من طرف: فاتي رحيم عنابة fatima rahim
المقادير
500غ فرينة
مغرف صغيرة ملح
3 مغارف كبار زيت
كاس ونص ماء سخون يغلي
طريقة التحضير
في غيسبيو نحط 500غ فرينة مع مغرف صغيرة ملح ماتكونش معمرة نخلطهم ونزيد 3 مغارف كبار زيت عادي ونشمخهم بكاس ونص ماء سخون يغلي نفرغ كاس ونخلط ونزيد نص كاس نفرغ بشوي ونشوف حسب النوعية تع الفرينة ونخلط باليد او بالسباتول حتى تضم لعجينة ونتحصل عليها طرية نعجنها غير شوي ونغطيها بكيس بلاستيكي ونخليها تريح 10 دقائق وبعد نشكلها شكل حربوش ونقطعها على 14قطعة بوزن 63غ ونحلهم بالحلال فوق فرينة نحلهم تكون رقيقة خلاه ونحط طبسي او غطاء تع طنجرة تكون مدورة ونقطع فوق العجين ونتحصل عليها مدورة نرفدها لطاجين حديد يكون سخون من قبل على نار متوسطة نخليها تنشف ونقلبها على جيهة تانية مانخليهاش تتنفخ وغير ياخد اللون نحيه مانخليهش يحمار ونحطهم في طرشونة فوق بعضاهم باه يندو ونغطيهم ونخليهم ونكمل كامل لابات بنفس الطريقة وفي كل مرة نحل بكمية فرينة باه ماتلصقش ونستحفظ بيه في كيس بلاستيكي في تلاجة
ويقدم شهية طيبة للجميع 24/10/2021
فارس جيدي سكندر تركمان شاف نصيرة توهامي