ارز اكسبريس يجي مزربع و بزاف بنين:
مقادير تكفي 5 اشخاص 2 كيسان روز:
_ ربع صدر دجاج رحيتو ضفتلو مغرفة بصل مرحية،مغرفة شابلير،ربع مغرفة صغيرة ملح،سنة ثوم،توابل:شوي فلفل اسود،عكري،كركم،توابل الدجاج،مغرفة صغيرة مارغرين او مغرفة زيت.anissa cooking
_عجنتو مليح باش كي نعود نقلي فيه ميتحلش، و شكلت ديبولات صغار .
_في طنجرة درت مغرفة زبدة،مغرفة زيت رقبة نتاع جاج او جنحين(تقدرو تعوضوهم بمكعب مرق الدجاج) و نقلي ليبولات على نار عالية شوي(نقدر نستغنى الكريات و نكتفي برقبة او لجناحتين و نعوض الزبدة بزوج مغارف زيت).@anissa cooking
_بعدما تحمرت الكريات نحيتها نقصت للنار و حطيت حبة بصل مرحية او مسكرفجة بالخشين غطيت الطنيجرة و خليتها تتقلى حتان ذبالت تماما و خذات اللون الذهبي.
_ضفت الخضرة اللي متوفرة عندي زوج حبات زرودية، راس فلفل اخضر شوي قرنون، قطعتهم مربعات صغيرة، قليتهم شوي
_ضفت مغرفة كبيرة معجون طماطم حبة طماطم مرحية 3 سنات ثوم، اقل من نص مغرفة كبيرة ملح نفس التوابل اللي حطيتهم في ليبولات نغطي الطنجرة و نخلي كلش يتقلى مليح مليح على نار مهيلة على الاقل ربع ساعة ،كي تنشف نضيف ربع كاس ماء سخون .
_زوج كيسان روز(درت الارز المفور مام العادي يجي مزربع)،نشلل الروز 3 مرات نفرغ عليه الماء نحركو شوي و مباشرة نصفيه منخليهش يطول في الماء كررت هذي العملية 3 مرات .
_بعدما تقلات الخضرة نضيف الروز نخلطو نحط ليبولات و نفرغ عليه 4 كيسان ماء سخون زدت نص كاس ، كل كاس روز يقابلو 2 كيسان و ربع ماء،
غطيت الطنجرة يطيب على مهلو كي نشف طفيت النار و خليتو 10 دقايق باه قدمتو