حواوشى اقتصادى💥💥💥😍 … حواوشي بطاطس بطعم اللحمة من غير لحمة … المكونات : ٥ بطاطس ٥ بصل احمر او ابيض ٥ فلفل رومي او حامي او ميكس ( ممكن تزودو جزر مبشور و كوسة مبشورة هتودي طعم و الفايدة في حتة تانية ) ٤ مرقة لحم من ماجي و رشة ملح و فلفل اسود اختياري ممكن تكتفوا بالمرقة و بس __ الطريقة سهلة اوووي هنبشر البطاطس و ممكن نبشر البصل او نقطعه و نقطع الفلفل صغير اوي و نجيب طاسة نحط فيها ملعقة زيت علي زبدة و ننزل بالخضار كله و نفضل نقلب فيه لازم لازم لازم استمرارية تقليب و بعدين نحط المرقة و ملح و فلفل اسود اختياري و بعدين نقلب هنحس الخليط بقي شبهه العجينة كدة نروح علي طول قافلين و نجيب العيش البلدي بتاعنا نفتحه و نحط الخليط و شوية موزاريلا اختياري و ندهنه بالزيت بالفرشة كدة و بعدين في طاسة سخنة ننزل بالحواوشي ياخد لون بس و نشيله لان كل حاجة اصلا مستوية