وصفة_طاكوس_منزلي 1-أولا عجينة خبز الطاكوس 2 كسان فرينة (سفينة) م ص خميرة ڨاطو م ص ملح نخلطوا مكونات مع بعضاهم ونزيدو ربع كاس زيت وبعد لموه بالماء دافى رايح لسخون و نخليوها طرية ونعجنوها دقيقتين حتى ثلاث دقائق ونغطوها بالورق الشفاف ونخليوها ترتاح 10 دقائق وبعد نقسموها ستة كوريات وبعد نزيد نخليوهم يرتاحوا 10 دقائق أخرين بعد نبداو نحلوا كل كروية بالفرينة وبعد نطيبوهم في طجينة لفطير على نار متوسطة طيب نص طيابو باش تبقى طرية وكي طيب لموها في سوفية ونديرها في صاشية باش طبقى طرية. 2-الحشو نجيبو بصلة نقطعوها قطع صغيرة نحطوها في مقلة ونزيدولها فص ثوم وشوية زيت نقليوهم مليح مبعد نزيدو سكالوب مقطع قطع صغيرة نزيدو مغرف ص ملح و مغرف ص فلافل دجاج ومغرف ص فلفل أحمر ونص مغرف ص فلفل أكحل كي يطيب الدجاج نزيدلو كرام فراش تغلي غلية ونطفيو عليها 👌 و شهية طيبة