خضر سوطي بالدجاج جيبي دجاج ديريلو موتارد زوج مغارف خل مغرف زيت ملح فلفل اسود توابل الدجاج اذا عندك راس الحانوت و شوي قرفة و زعيترة و خلطيهم و خاليهم يريحو واحد ساعة ولا زوج كي يريح ديريه يطيب في مقلة نار ناقصة قع كي قريب يطيب و يطلق لاصوت نتاعو نحي شوي خاليها بجيه و لي بقات في مقلة زيديلها نصف مغرف صغيرة طماطم مصبرة و خليطها مليح باه تمدلنا لون شباب لدجاج الخضر صوتي : جيبي الخضر لي حبيتي قطعيهم و فوريهم كي بفورو ناحيهم خاليهم يبردو شوي اومبعد كي تنحي دجاج في نفس المقلاة ديري زبدة و ديري لوبيا قليها شوي اومبعد زيديها شوي ثوم و معدنوس و قليهم شوي مع بعضاهم و ديرلهم شوي من لاصوص تع الدجاج لي ناحيتها كي تنحي لوبيا ديري للبطاطا نفس الطريقة و الجزر نفس الطريقة و تجي تهبل بصحتكم 😘 منقوووولة من صفحة نانا