#نصائح للأناقة💛💥💫 حبوبة المناسبات هههه هادي بضبط كتجي غا مني كتكون شي خرجة مهمة غتشدي الالة فص د ثومة و حكيه عليها نيشان عنداك تقربيها لوجهك غا على لحبوبة - لعسل لحر تا هو مزيان - لملح ديري شوية لما و لملح و حطيهم عليها هادو مجرباهم أنا معندك مناش تخافي 🌻 بغيتي تلبسي سبرديلتك لبيضة لقيتيها مسخة 😑 شدي خمارة و دونتفريس و حكيها بشيتة د سنان غترجع جديدة ولا عندك بيكاربونات تا هما مزيانين 👌🏻 🌻بغيتي ديري ماسكرا لقيتيها نشفات 😳 غتشدي ما سخون و تغطسيها فيه خليها تطلق شوية كنتي زربانة خودي زيت لخروع ولا لكوك زيدي فيها نقطة را مزيانين تا لشفار 😍 🌻 داك لفم مقشر حالتو و غديري لعكر محشمتيش سيري خودي لعسل ولقرفة و ديري كوماج بلخف و ذهني بزيت لكوك عاد ديري لعكر و ردي عليا لخبار را كينفخ لفم 👄 🌻 دوك ليدين غتخرجي بيهم هكاك بحال لبناية 🙄 سيري ديري شوية د زيت كيما كان و معلقة د سنيدة و كوميهم بلخف و ذهنيهم عاد خرجي 🌻ريحة عنداك تنسايها باش تشد لك ذهني شوية د فازيلين ورا وذنك و فنص ذ عنقك و فيديك دك لبلاصة لي فيها لعروق عاد رشيها غتشد لك وقت كتر 🌻 لحيلة لمفضلة عندي 😍 غتخلي ريحتك ديما غزالة شري زيت جونسن و سيري عند مول ريحة خودي روح د فاني ولا شي ريحة خفيفة و خلطيهم و مني دوشي قبل متنشفي بلفوطة ذهنيهم لحمك 🌻لبناااااات لمعفونات لمعيسلاااات 🤢 وياااك ثم وياااك ثم ويااااك تخرجي و ضفرانك مسخين ولا صفرين ولا مقشرة فيهم سباغة غسلي ضفيراتك و لا كانو صوفر ديري دونتيفريس وحكيهم مزيان و قادي سباغة عاد خرجي