مسمن مورق و ناجح 100% 🫠

2 زلايف فينو أو سميدة الرقيقة
زلافة فورص
معلقة صغيرة ملح
معلقة كبيرة خل
معلقة كبيرة زبدة
رأس معلقة خميرة الحلوى
قبصة خميرة الخبز
معلقة كبيرة عسل او سكر
الماء بارد على حسب الخليط

نخلطو الفورص مع الفينو و الخل و الزبدة و الملح و خميرة الحلوى و خميرة الخبر و العسل و نجمع بالماء بارد نضيف شوية بشوية و حنا كانعجنو حتى نتحصل على عجينة مجموعة و مرخوفة ندهنها بالزيت نغطيها 10 دقايق و نرجع ندلكها 5 دقايق و نديرها فبلاستيكة نخليها ترتاح ساعة و نشكلها كويرات نغطيهم نخليهم 10 دقايق و ندوبو الزبدة نخلطوها مع الزيت و ناخد 5 معالق فينو نخلطهوم مع كيس خميرة الحلوى و نبدا نكرص الكويرات بشكل دائري تكون رقيقة ندهنوها بالزبدة و الزيت و نرشو الفينو نطويوهوم على 2 و نعاود نرش الزبدة و الزيت و الفينو و نطوي على شكل مربع نغطيهم و نستامر حتى نكمل الكمية نسخن المقلى التقيلة و نكرص المسمنة مانرققوهاش بزاف نرشو المقلى بالزيت و نحط المسمن نبقى كل مرة تقلبو باش يتنفخ و نرش الزيت حتى نكمل و نقدموه مع العسل و الزبدة بالصحة و الراحة
وصفات أوما