كلمات قصيدة " إيڭا باسم الله الهينت إيكا فالمنشار " لرايس محمد بيسمومين
في هاذه القصيدة قام الرايس محمد بيسمومين بهجاء مجموعة من المتطفلين على فن الروايس وكذلك بعض شركات التسجيل الصوتي الإنتهازية التي تقتات على معاناة الفنانين إليكم كلمات القصيدة :
إيڭا باسم الله الهينت إيكا فالمنشار
أت أوكان تنيت إيبو العاقل ساغ إيفرح
أت اوكان تنيت إيضالم أر إيترفوفون
أت أوكان تنيت إيبوتفالا ساغ إيسلم
أسيك العاقل توزانغ أوال نساوال
أن أڭاغ سوباراز أشكو ماطلغ أسن
أڭان المشهورين إيڭين ميا تاسونت
أويلي أوكان سمرڭاغ كولو سلمناغ
إيڭا إيلس أصلاب أر كولو سيس نكات
أياناغ إيسفليدن سكر ماساك نيغ
إيما يايڭان أضرضور مات أتاسا ريغ
إيغ إيڭا أولا أمحساد أور فلاس لكيماغ
أياناغ نيت إيكورهان مافاس أك ليغ
إيغاغ إيزرا يادرد إيتوالين أر أكال
إيغ إيساول أر إيسيڭيل سايخسر واوال
أت إيناقص ربي غيڭيور أتين أور أفاغ
إيغي تڭيت العيب أكرا فالكاسيطات
أداك إيفك ربي تودرت حاولناك أوسان
أريغاك دإيسهل ربي غيويك نيغ إليك
أتاسي الڭيطار أداك تنسا غيسوياس
أتيليد غالفيلم زوغ تنيت تاروميت
أتلسا دجين تصوڭن سيتون الموطور
أكولو كرا تمناڭارت أولا ماك إيسن
أجمعان سيك تحاضرت نيت إيساك إيميم
أناناس كولو مادار تاميريكانيت
أح تين يان أوريڭي الفنان أولا سين
إيڭا الطالب نتمزڭيدا كرا أوسان إيفلت
إيسرس القرٱن إيڭا باقشيش أر إيتمثال
أر إيتامز الورد إيڭاس كولو طاق ماق
إيغ إيڭا الصواب صواب أرت أوكان نساوال
إيغ إيڭا أولا تاڭوضي الخسارا أواوال
أداغ نسكر تاماضونت إيوانا تيران
أڭان روايس كادا مكان إيخمس ألاف
أهاتي إيموريڭ أاد أس كولو نمواسان
إيلا دارس الحدود أت كولو نمشاراك
أوالايني أمحساد أرت اوكان إيسوروف
أفوغند يان كراض أورتا كين إيسوياس
أولا سيرك أولا أمودو حرا تارمن أوال
ها سايبا ها سي دي أوفان الكاميرات
أريباب كولو ماد إيلكمن إيصور سيس
أياسي الڭيطار إيباسل أوراس أك إيسين
أبو لورڭ أور جي ڭيس يوفي تاشلحيت
إيدورد غالفيلاج إيسمون الكاسيطات
أوكان إيسهر ضيض إيكساسن تيغمرين
أغ أومارڭ أولا ضرب إيكشم نيت إيسوياس
إيڭ الماحيا غالبيدو كرا تيران إيسوت
أورا سار ترمي تودايت ليست إيسنوان
إيڭا ستوديو والي ديسحوران الكاسيط
أد إيصاوب أمڭرض إيكرا أور تاك إيطاف
إيڭول أرد إيسمڭادا أونوفل تاشلحيت
إيغد أردا إيسڭادا المحامي لوطار
أييلي الباشا غيكين الكرسي يوت ألون
إيڭ القايد الباريزا لفرقة غوفوس نس
أسين العدول كرا دلغراما أفلاغ ألن
أتيفرملين أداغ حاقا إيغامان
أد لسانت القاميجا كسنت تيملحافين
أداوينت الفانيد إيكرا غيلا واطان
أتلفازا أوطبيب أيخاصان الفنان
إيلا دارس الماراض إيكلين أر إيتاسوس
اتاسا دولنس إيبيت كولو سيحاتان
أبو تيزلا إيڭي دارك أنيرا واطان
أدرض أكرا فيفادن تكملت أغراس
أطان إيزري واياض إيلكم لاح أسفار
أسيدا تفلد سيدي لكاميرا غوفوس
أميدن عدلنين أدور تيريم أتالام
أر إيفال ڭار بنادم غتاسا نون اطان
أراس إيتخلاص ربي كرا سكرا سالموت
أويلي أوريڭين إيدرست أولا كان ألون
أوسيناغد إيموريڭ لكاسيطات ناغ
أيناغد أور نحاضير كاغات إيتينين
أر لسان تيجلوبا مشاركنت لون
إيلا داغ ڭيسن ماد إيلسان لفوقيات
أوالي أور إيتمراڭن فكاناس أك أوال
إيڭا المشهور بلا دارس الكاسيطات نس
إيسمسارن أداسند إيسحوران الكليان
أر إيتامز المهرجان سنص نثمن
أترواسم أجديڭ أوليلي ما توفام
أورجي تحادام أودي أولا ثامنت الحور
أها يان ها واياض إيفتا فلاس الحال
أعاقلغ نيت إيبدن فلا سيحاتان
وانيغ أيدا راداك سرساغ أكوراي
أوالايني لان إيضان فوغاراس نسوق
إيغ إيموعضر يان إيباسل أوريلي تيسنت
أريكات سيفاسن زوغ أس إيوين أرام
أوراك إيخفي يات إيڭا الفنان أشمكار
أغار إيسوا زود تازارت نتاما واسيف
إيڭا غار تاجلبيت غوفوس ألطيف
أهلي إيسلا مادار تامغرا ياسيت
أسول أورتاك إيسن بوالفرح إيغن إيروح
إيسن باهرا أيسڭادا إيحاتان إيناياس
هاياغ نلكم كوند إيغرايي سي حسن
أدوكان سلان إيبرك إيكن إيمال أس
نكي سنغت إيعزا دارس أوفلوس نروم
إيغاس أك توجيت البوق تيموتال أيان
إيمنسي بلاش أك اليجارت إيحرش الفنان
إيڭا لانكول ضيد لكيسان نتامنت
أيوفان ڭيس أوماضون حقا أسفار
أطارو نلجالوق إيڭا أوكان الموفاليس
إيغال إيسڭان إيڭيڭ أر فلاغ إيساول
أكادا نما تڭراز أر يالا أر إيتاسوس
إيرا شوهرا تالي دارس أور إيلين أيان
إيسن باهرا أيزنز لكسوت نتمغارين
أتاغاوسا لقضيب إيسناس أولا أملحاف
إيلا يان لڭنس أوريڭي الحقيقة أموسلم
أوريڭي أوداي أوريڭي نصارى ماتيسن
إيڭا غار زود الغابة أسغار نكاليتوس
أوريلي لكونترادا رسومنس أورلين
ألاطيف ماتا غيد لكمنت الكاسيطات
أيان أرد إيتيني ديسك إيساول ويسين
أوالي إيساولن إيضيع أورا تيسن يان
أوالي إيصورن إيضيع أور إيسين إيات
إيغاس إيسفلد الجمهور ياوي سيس أسار
أس نتمغرا ران أدارسن يلي غالفرح
أوفانين أمڭرضان ساغين إيساول
أور أوا إيڭي والي دارسن غالكاسيطات
الخطر كا كولو ڭانت أولا الشريكات
أبالحق يان كراض أر سموس أر مراو
أغاياد سالان إيباين أغ إيس تاكورن
حاداند الفيلاجات ميا نوسمسار
كولو كرا دمناڭارن إيسرس البيرات
سيزينت أك كرا دارس إيلان أتاوين
أضلم أيڭا غاياد الحرام أكولو شان
أهيا إيڭا دوروجين والي تين إيكان
أوراك أس ڭين تنبر سمناس القانون
الله إيهديك مڭادانت أك الكاسيطات
والنيت إيدروسن عمدانك أوي لوصيات
أتيلي إيلان التنبر فتيلي تور إيلين
أصاحافي نتڭوضي أور إيسن القانون
أصاحافي نتڭوضي أور إيتينين الحق
أتارايسين أفادي تصوارن تيرام
أتانا أوكان إيميزن تلس أملحاف نس
إيصورت يالت إيڭي أورام أسيس إيسوق
ألالاس كات إيڭيدين غين ترا تاويت
أوكان إيشغل بدا ڭيس تناي نيغاس
أكولو العالام إيبيكس أسول إيتمتال
ها سايبا تلا بوالكاميرات إيسوق
أسينيما نزرا ڭيس إيست ميريكان
والايني سيدي ڭيس إيست ماروكان
أكولو كرا تمناڭارت إيناياك متلغ
أوالايني المقصود إيسكا كولو موتلن
أواحد أوستين سواحد أوتمانين إيكاتين
أسينيما أورا ڭيس تنيت تاشلحيت
لكوبي دالهند أڭيس يوفان أغاراس
إيڭا فانضام القاضي نس أيليغ أوكان
إيلا رومبو إيلي بريسلي كولو ملكنت
إيما شارلو إيكا ڭيس أيليغ إيموت
والايني غيلاد أورسول إيلي غيكان
هاتي الكاميرا دايت الفيلم فوغنت
غيلي غرا إيلي هيتلير أولا الشاعير
ڭانين ڭيس مدن باقشيش أر إيساوال
أوريلي بلا سهرا دو احواش نتمغارين
أبو تنخدامين إيڭا أولا نتا الشاعر
أبو تنخدامين إيديس كولو لاح أليم
أليغ أوكان تنجار يات ألاغ إيات
أتيكينت نذهاب أغرا تيلي تامنت
إيما تيڭدار أد إيڭان كولو تي واكال
أولا يان تنت إيزنزان ما تاك إيسلان
أدوكان تلكم تاڭرست إيرا تيفل سوق
أسنا إيڭان العيد إيغ نيت رغان اوسان
أر اوكان داغ إيزنزا سنات كرات إيروح
أماني غرا اد إيبي بو إيروكوتن تيرام
أياسي الڭيطار أدارس أريكات ألون
إيس أيدبو رزا ڭيون أور إيغاما روح
إيرا بو طاڭيا أداون أك إكيس أوال
إيلا غ إيرڭازن ماداك إيسخسر إيفيس
إيلا ماد نيت إيحوجان سول أر إيسروات
إيدورض كولو غيڭين لمقام نراسول
أد أوكان غيد إڭيز أر سول إيتمشاوار
أداغ إيتموتول إيزال يات إيسيكي يات
إيتاهل سنات إيتاهل كرات أور إيعاقيل
إيفلتنت كولو زوغ را تنيت أمين
أداغ إيسكر تاياض نتمن تاعشر عام