هاد السيد لي كضحكو عليه و تنمرو عليه و كتشبهوه زعما على داك التافه ديال المالكي.. كإنسان قبل مايكون لاعب كان من أطيب خلق الله و كان لاعب خلوق غايعقلو عليه غا الجيل الذهبي ماشي البراهش ديال دابا.. سيد لعب فأعلى مستوى حتارف فالدوري الهولندي و لعب مع فاينورد ملي كانت عندها مكانة كبيرة فأروبا و كان عليه الضغط أنه يمثل هولاندا ولكن رفض و فضل أنه يمثل البلد ديالو المغرب حيث هو اصلا ولد المغرب و بضبط تزاد فالدار البيضاء.. و من بعد مشا حتارف فهولاندا و احتارف فبلجيكا رفقة نادي بروج، و كان كيتمتع بفنيات عالية هاد اللاعب من بين أحسن مهاجمين فتاريخ المنتخب المغربي... و كفى من التنمر و بعدو من سيد، واش حتى لي موقركم و عاطيكم تيساع ماتخليوهش فراحتو.. سيد راه عندو عائلتو و عندو ولادو و حبابو و أكثر من هذا خلا بصمة زوينة مع المنتخب.. باش غايحسو ولادو ولا حبابو ملي كيشوفو بحال هاد المنشورات على الأب ديالهم.. وعاو أدراري شوية الله يرضي عليكم