الزلابية او لقمة القاضي 😋😋 المقادير 👇👇 2 كوب دقيق , رشة ملح معلقة كبيرة نشا ( كورن فلاور ) عشان تقرمش 1 معلقة كبيرة خميرة فورية 1 معلقة كبيرة سكر كوب و ربع ماء دافئ الشربات : ٢ كوب سكر كوب ماء نص ليمونه فانيليا الطريقة 👇👇 اول حاجة نعمل الشربات : في حلة على النار هنحط السكر و المية و عصير نص الليمونة و نسيبها لحد ما تغلي ، لما تغلي نهدي النار و نسيبها خمس دقايق و قبل ما نطفي النار نحط الفانيليا ، و نسيب الشربات يبرد. ندخل على العجينة : ننخل الدقيق , الملح , النشا ، نضيف الخميرة و السكر و نقلب نضيف، كمية الميه اللي في الوصفة نخلط المكونات كويس جدا ( قوام العجينة بيكون مش تقيل و مش خفيف و يكون فيه مطه خفيفة) نغطى العجينة و نسيبها تخمر بعد ما تخمر نحط العجيبة في كيس حلواني ( اكياس استعمال مرة واحدة) و نفتحه فتحة يدوب تنزل كورة الزلابيا و هنستخدم المقص بعد دهنه بالزيت في قطع كرات الزلابيا و نقلى في زيت غزير على مرتين ، اول مرة بعد ما نخلص من قلي الكمية كلها و نسيبها تبرد ، نرجع نحمر الكمية في الزيت مرة ثانية و نقلب لحد ما تاخد لون دهبي. نشيلها من الزيت و ننزلها على طول في الشربات البارد أو نزينها بصوص شوكلاته دارك او بيضا او صوص لوتس او بأي صوص تحبيه وممكن نرش عليها سكر بودره بتطلع تحفة ملحوظة🥰🥰 الزلابية او لقمة القاضي علشان تنجح معاكي و تطلع مقرمشة من برة و طرية من جوه لازم تتقلى على مرتين و بس كدا 👌 وبالهنا ♥️ ♥️