في اطار وصفات رمضان الكريم جبت ليكم وصفة بطبوط معمر بحشوة باردة 😋😋 محبوب الجماهير 😍😂 حشوة سريعة باردة للبطبوط ولذيذة بزاف عندنا بطبوط اولا باش يجينا لبطبوط منفوخ وخاوي كناخذو فلعجين دقيق ديالنا انا كندير قياس فورص ونصفو قمح نزيدو م ك زيت ملح م ك سندة . خميرة دلخبز نعجنوه يخمر نطلقوه ونطبعوه او فقط نشكلو كورات صغااار ونقرصوهم . يخمرو واحد ربع ساعة نسخنو المقلة نطيبو لبطبوط غير يبدى يدير فقاعات نقلبوه شوية ونقلبوه تاني حتى يتنفخ نضربو عليه يخرج لهوى ويتحمر. الحشوة: فشي اناء نحكو جزرة نزيدو حك طون مطشية واحدة حبة طماطم مقطعة . 2 فرماج مثلث 2 م ك مايونيز . ملح .ابزار قطرة حامض . زيتون مقطع اخضر او اسود لي توفر بيض مسلوق محكوك شوية معدنوس مقطع نخلطو الكل نعمرو لبطبوط ديالنا ونزيدو قطع خص وبالصحة والراحة