كيكة التفاح
كيكة التفاح من أكثر الكيكات اللي كتعجبني بزاف
المقادير:
3 بيضات
كاس ديال العنبة سنيدة (125غ)
كاس ديال العنبة زيت (150غ)
كاس خليط عصير الحامض وعصير البرتقال (150مل)
كاس ديال الياغورت الطبيعي (110غ)
14غ خميرة الحلوى
7غ فاني
قبصة ملح
قشرة حامضة محكوكة
قشرة برتقالة محكوكة
350غ دقيق (جوج كيسان ونص بكاس العنبة)
4 تفاحات صغار مقشرين ومقطعين شرائح
للتزيين:
14غ سكر فاني (أنا درت السكر منسم بالبرتقال، اختياري) كنرشو على شرائح التفاح قبل ما ندخل الكيك للفرن
الناباج أو المربى للتزيين من بعد
الطريقة:
فالميكسور، خلطي جميع المقادير ما عدا الدقيق والخميرة.
من بعد، زيدي الدقيق والخميرة وخلطي بالخلاط اليدوي حتى ينسجم الخليط مزيان.
صبي الخليط فمول مدهون بالزبدة ومرشوش بالدقيق، أو غلفيه بورق الزبدة.
وضعي فوقه شرائح التفاح، ورشي عليهم سكر الفاني.
دخلي المول للفرن مسخن على درجة حرارة 180، وخليه حتى يطيب.
وبالصحة والراحة!
#صحتين #اكسبلور #وصفات