لو ولادك طلبوا بيتزا و انتي مش قادره تعجني أو مكسلة يبقى مفيش غير بيتزا الطاسة او بيتزا المستعجلين

بيتزا الطاسة السريعة

المقادير
٢ك دقيق.
.رشة ملح
١م ك سكر
١م ص خميرة
ربع م ص بيكنج بودر
٤م ك زيت
كوب ماء دافي

الطريقة
في بولة نحط المية و الخميرة و السكر و نقلب كويس و بعدين ننزل بالدقيق و البيكنج بودر و الملح و نقلب كويس ، العجينة بتكون مش متماسكة بتكون اتقل شوية من عجينة الكيكة قريبة من عجينة لقمة القاضي
ونسيبها ترتاح عشر دقايق او ربع ساعة نجهز فيهم صلصة البيتزا ، آخر حاجة ندهن طاسة زيت ونفردها ونحاول نفرد الصلصة على الوش بالراحة و نحط الحشو اللي نحبه و الجبنة الموتزاريلا ونحطها علي نار هادية جداااا عالبوتجاز
وممكن نحط شياطة تحت الطاسة ونغطيها بغطا بتاخد حوالي عشر دقايق ، الكمية تعمل اتنين بيتزا كبيرة
وبس كدا

وبالهنا