اليوم راجلي مسافر قلت بلا مانتغدا بوحدي ف الدار غير انا او ولادي 2 واحد عندو 4 سنين او واحد 3 شهور تصلت بماما وقلت ليها نجي نتغدا معاكوم قالت ليا جي مرحبا بيك اوا نضت جمعت قفيفة فيها خضرة د كسكسو واللحم ومشيت عند ماما فرحو بيا طيبات لينا ماما مسكينة كسكسو تنسينا بابا اخويا جاو من جامع حطات ماما الكصعة وناض واحد البرهوش د ولدي كيلعب طلع فوق سداري بال لينا في كسكسو عرفتي انا تخلعت تصدمت خويا بدا غير كيضحك بابا ناض مسكين وهي تشد ماما ولدي سلخاتو وفاش بغيت نفكو سلخاتني حتى انا وقالت ليا هالي كيعرف غير يولد ومايربيش طحناتنا بجوج بالعصا .ودبا رجعت لداري كنبكي. معرفتش اش ندير مع ولدي 😂