أغنية " أداغ نتكل فربي دارس أوكان أسافار " لرايس محمد بيسمومين تم إنتاجها أوائل التمانينيات يتحدث فيها الرايس محمد بيسمومين عن صعوبة الأوضاع الإجتماعية بما فيها سوق الشغل والمشاكل الأسرية
إليكم كلمات هاذه الأغنية الأمازيغية :
أداغ نتكل فربي دارس أوكان أسفار إيلا دارس العدد لخير أولا لامان
إيمربا أد كولو ڭادا إيواليون فالخير إيمربا الهم أكيد أور تاوي تاسا ناغ
إيمربا العيب أكيد أور ناف أولا نيويك إيمربا الهم أكيد أور تاوي تاسا ناغ
إيمربا الميزان أدور ميلن إيفالان إيمربا أيصلح لقب نكرا كين كيوالان
أدونيت تڭا غيڭاد لماتال نك أسوق أيان إيسغان إيزنز إيسن إيسيكا أغراس
أيان إيغلي يان إيضرن سمكان إيسلوم أيان إيغلين أر إيڭينس إيغال إيس رصان
أسنا غراد إيڭيز أور فلاس إيعويل أك أور إيجلو يان أداك سول أور إينا يان
أغاد إيضعاف غاد إيصحا يلي سالمال الموت أتن إيسمڭادان غاماس أوكال
أدان إيمغارن كادا المال أكولو فلن أتيوي الموت إيڭلدان تيوي الصالحين
أتيوي الموت إيڭيكلن تاوي المساكين أتاوي النبي محمد أور سول إيميم الحال
أتيوي الموت طلبة العولاما غيكان والله أم كيڭي وازار ما يوي واكال
أوالايني غيكاد إيتيارا فلاتنغ أسباب دالموت أجي أور إيلين أسفار
إيغ إيموت يان إيدو دار تيلاس أواكال أورا تين سول إيحادا المال أولا تامنت
أولا لاحباب لي دارس أورا تيسن يان أمامي إيڭا الذهب أورسول إيلاق إيات
أمامي إيڭا الذهب أور تيفوكي غالموت أليغ أغد إيقان أداغ سول إيفوغ الروح
إيكمل الشباب أولا أزار غاماس أوكال أمامي نرا الطمع أداغ سيس إيغي الشيطان
أتوب أبنادم توجاد نيت الحسنات إيجرمان دلعيبادة أك سيس أور إيطل يان
أيان أدڭان مدن ڭين وسان أمر يان أڭن رجانم غربي أوكان أتاسا ناغ
أدام إيعفو غتماضونت نيان إيكوفرن ربي كاف رانالا ڭان ما فايالا يان
أداغ إيفك ربي غالهيبت نتا لي ياكان أتاسانو أتيڭيڭيلت إيساكا تآلات
أوانا وكان تحوبيت ساغ أكنت إيفال أيان إيتحنان أداغ سول إيران الخير
إيما يا يكوفرن إيڭا أسمون إيشايطين والله أمكا نسندام ويلي كوفرنين
نكي نيت إينو كاداغ ياكان إيتيلاس أولايني تڭرازاغ تركم تاسا ناغ
أف نتابع إيموريڭ نسكر سلخاطر ناغ أينا نصور الشهود كا فلاس إيلان
أسول أور يلي ماداغ فلاس إيلامان أور نشا أيدا نيڭيڭيلن أفلاغ ألان
أور نشا أيدا نيڭيڭيلن أولا المساكين
إيمربا أك تاسي تمدايت نك أيانواش أور إيلي الخير غوادا أور إيتون العار
إيماغ البحر تاوادا نواس أغا أنيكات أماغنت ڭيس الموجات كوفرن إيسلمان
أوالايني إيترزا أوكان أر إيتيقار إيغ إيبان ماني را جي خلون أتيتنام
أمون إيعوامن دالبحر كولو سيفنت أيان أيڭا البحر ڭيسافن خمس ألاف
إيغاب أومزار إيغاب لحيى لامان إيموت أتاعصريت تلساد لكسوت نميريكان
أسروال سالقاعدة تريكو سالقانون أزار أر تيتبي ڭنت يان إيفرخان
أتيعاصرين أد إيفكان إيوغاراس أفود إيعلا أمڭرد أور تين إيسنتل يات
أتالي إيسكادان أزار تاسي شاكوش نس أهان القهاوي كا ديتمون أورا ترواح
والله أر تميار الهيشت أغاراس نسوق أغيكان دالڭاراجات أولا سينيمات
إيما لاسواق ليد أور سوقنت تمغارين إيما لاخبار نسوڭان تيلي شاطرنين
أتلا بدا طوموبيل غيمي الماحال أماني غرا داس إيبان ماغ إيلا شيفور
إيغ إيلا البيراج إيڭين ميا تاساونت أتانا أوكان إيسوڭن فكات اس أغاراس
إيلا دارسنت الكود أور تاك إيسن خاليس أواناد سول إيتاهلن تيري سيسن السوق
والله أبلا غار إيڭين الكوف أغا تيلين إيغ إيڭا كرا غيكاد إيس را سول إيساوال
مراد إيس يادلي ريغ داغ الموت أوول إيكو لاڭريما دالبانكة راسيس إيليغ
أوالايني لابد لموت أولا تيلاس أك أور إيسفرح إيغ إيڭا المال نك الحرام
إيسنت أك ما فا سيڭيلغ أناسي لوطار أدور نكس إيان لهيبتنس أولا أراونس
أيان إيجلان إيكابر فيان إيسالا الطمع مراد إيس ڭي طمع نڭ إيخفينو غالخطر
إيراد نيت نيلي غالبار ناسيك ألوطار أوالايني ويليد إيسوان أمي حوشاغ
أزوند الجنون مناڭارن أوراك أتاحلن إيلا يان العدد إيڭاور إيلا يان إيماغ
إيما الرايس إيغ إيبيد أور تاك إيسالا يان إيغ أور إيسوي إيڭ زود نتني أورات إيرين
أزوار إينڭارا دربي إيغ إيرا أغين إيعيش أخوتي المال أد إيڭوتن إيلا مآن إيلوح
والله أور سار إيتنجاح يان أور إيقنعان الطمع أيڭان سيبا نيان إيغي الشيطان
أدل أاور إيڭين أكيسن إيعيش أموسلم إيميك الحالال الهيبت أفلاس إيلان
إيغ إيعرڭ يان إيغيد الف ريال إيحلان أيوفاس غ ناتيجا نس أولا ليام نس
أميات مليون إيڭ لساس نس الحرام أكيعاون ربي أوادا إيعيشن سالحالال
أورجيد لقاميجانك اسول إيكملن إيلا ما يحوبان الجامع أولا الصالحين
أولا سلكت أولا الطلبة دخمسة صلوات أتوب ابنادم توب أورتا كيشي واكال
أويلي جلانين أدور يوفين أغراس أهان الحرام إيغلب أسلال إيميم أوكان
أطمع أيڭان سيبا نويلي تيسالان إيمربا الجوهالا أدور تافيم أغراس
أويلي إيخلون الجامع أولا الصالحين أدونيت هان أزرڭ أستنت أوكان متلغ
غيكاد إيتسوتول أدي تسوتلن أوسان أوانا إيران إيزيضنس أت أوكان إيفرني
أهان أكرا غمدن دو أوغاراس أتلكمت أتيريت سول أكيد لكمن ويلي تيكان
أوالي أوكان إيسيڭيلن أغاراس نشرع أمار أك ياجي كادا نيان أتور إيكين
أڭوتن الجوهالا ڭوتن أولا الشياطين إيڭوت الغدر دالعيب أور سول إيلي لامان
إينواشن أورا تاجيم يان أسول إيفرح أوليلي إيحنان أد إيسكوفر سم نون
أهاي زريغ العربون غالحياة ناغ إيغ إيڭا الزهر غيكاد أغ تملا تيط ناغ
أوالايني أمحساد أركا سيتي تلين إيموناغد الهم إيڭي وول أولا سمنس
إيغ إيڭا الزهر غيكاد أغ تملا تيط ناغ أناسي زويجة دالهينت أسيغ المنشار
أكولو كرا دمناڭارغ أويغ روحنس إيڭ الحبس أمزوز نيغ تاك أور لكيماغ
أد إيساهل ربي ما داغ كا سيس إيتاوين إيما أفولكي نسوا ڭيسن إيمال أور لين
نكي نيت إينو كادانغ أوكان إيسلان أهاياغ هاياغ نڭا إيفاسن فوسوليل
أڭيس نبري نيغ تيد نخلا فالعار نون أوالي إيڭان أڭرزام أن مناقاراغ
أتوزومت أومانوز أغ تين مناقاراغ إيسرس أوخسان لي دارس نسرس لقرطاس
أكولو نمون إيتاڭانت أتيلي تيفاق أداغ نعشاق إيضربات ما تنت إيتاسين
إيسڭاسن أياد نڭا العافيت إيواليم أورجيد يوكي واڭونس أولا تلكم يان
إيما ليغ ديبان إيڭوت ما كولو يالان إيموريڭ يان إيتنضامن أمي تنتيسان
إيما يان تيد إيسيڭيلن أوراك أس إيلاق أداك نفك المفيد أكرا ياغ إيتارمن
إيخاصا أد كولو كادا إيشلحين ياواس أفين أغد أنمناڭار عول فلاتنغ
إيغد أرد نجمعا أڭيس نيلي سينتنغ أيلي البوق كرا أد نسموتل سلاناس
إيموس العياض إيحاضرن كولو يان إيران إيغد أرديلين مدن فكيناغ القانون
إيلا ما يران أكيد إحصار أورا ترولت أسول أور تيريت أداغ تاسيت الكناش
أغين أغ راداك إيباين إيغ إيلا شيخنك أغين أغ راداغ إيباين وانا مي كملن