#فقاص بلدي فقاص ناجح بكامل الاسرار 🤎 لمقادير :كاس سكر كاس زيت 2بيضات كاملين 1بيض بيضة 1فانيلا 1خمارة قبيصة الملح شوية حبة حلاوة شوية نافع شوية زنجلان دقيق حسب الخليط كتخدمو المكونات كاملة مزيان وتزيدو الدقيق شوية بشوية المهم العجينة متكونش قاصحة بزاف باش مكيطرطقش من بعد نشكلوه حرابل ونكرصوه واحد شوية باش يلقى فين يتنفخ وميطرطقش ندهنوه بقهوة سريعة الدوبان والماء او الكاكاو من الافضل مديروش اصفر البيض منين كتبغيو تقطعوه كيبقى يتهرس وندخلوه لفرن بااارد نديرو شي صفيحة قبل من لتحت عاد نحطو عليها لي فيها الفقاص هو مكيتحملش الحرارة بزاف على داك شي كاين لي كيطرطقلها والعافية تكون مهيلة باش كيطيب على خاطرو ومكيبقاش معجن من الداخل فالتقطاع كيجي الشكل ديالو مزوينش منين يطيب نغطيوه بشي زيف فازك حتى يبرد ونقطعوه بموس حاااااد مزيان ونعاودو نحمروه على عافية مهيييلة باش كيتحمر على خاطرو ماتنساينيش من لايك اذا عجباتك الوصفة وشي دعوة الخير ولك بالمثل يا غالية 🥰👍