🔴وصفة سوفلي 👌👌👌😋😋 بنة خيالية اجي خفيف وفارغ كي القطن العجينة ندير كاس ماء دافى بياض بيضة والصفار نخبيوه للدهن نزيدو مغرف خميرة الكسرة وزوج مغارف سكر ومغرف صغيرة خميرة الڨاطو وزوج مغارف لحضة نعبرو بمغرف تاع الحليب ماشي لكبيرة وماشي صغيرة وفنجال نصو زيت ونصو زبدة ذايبة ونزيدو نص كاس فرينة نخلطوهم مليح ونخليوهم يخمر ربع ساعة حتى اديرو فقاعات من بعد مخمر نديرو فرينة وملح نلمو حتى نتحصلو على عجينة طرية وتلصق شويا بلاك تيبسوها لازم تكون طرية كي تحطو يديكم تلصق نخليوها تخمر مليح واحد ساعة قد مخمرت قد مخرجو خفاف نروحو للحشو اختياري انا قليت بطاطا ودرت بصلة كبيرة ذبلتها في زيت حتى تكرمل وزدت عليه لحم مفروم ولزبيس ملح وثوم ومعدنوس وكي تخمر نشكلوها كويرات صغار هنا الحجم كما تحبو انا درت 12 كرية ونخليوهم خمس دقايق يرتاحو من بعد نحل كويرة ونحط فرماج بيدون بطاطا حشوة اللحم زتون فرماج رابي تحبو ديرو صوص بيشامال لازم تعقدوه مليح ندهنوهم بصفار البيضة نزيدو معاها قهوة ونديرو فرماج رتبي اختياري وهنا الكوشة ولا الفور لازم يسخن مليح ولا حطوه على اعلى درجة انا عندي كوزنيار تشعل من فوق ومن تحت شعلتهم في زوج السوفلي ولا بيتزا احبو نار قاوية اطيبو بالخف وشهية طيبة للجميع