#أفكار لشهر #رمضان غدي يعاونكم بزاف 🥰😍 ❤️-العسل الا صاوبتيه زيدي معاه ملعقة كبيرة ديال كليكوز كيخليه معلك وثابت على المعسلات لمدة طويلة 2- الحريرة مديريش فيها تحميرة ولكن عوضيها برأس ملعقة صغيرة من القرفة كيجي بنينة 3_إلى كنتي مبتدئه وبغيتي ديري شباكية ديري العجينة قاصحة باش تصدق ليك ومتعذبكش فالتشباك 4-سفوف ديما كمية الدقيق كتعادل كمية ديال القوام وضيفي واحد 3رؤوس ديال قرنفل معاه كيجي واعر جربيه وشوفي 5-الحريرة ديما فالاخير ملي ضوريها بالدقيق ضيفي واحد شوية ديال كرافس ومعدنوس كيجي ياسلااام كتشم من رأس الدرب 6-قبل رمضان من الأحسن ديري شوية تحضيرات شوية بيتزا صغيرة وبطبوط صغير مسمن وعجبن مورق هاكا الا جا عندك شي حد فرمضان غينفعك دكشي لي فالمجمد وتزيدي حاجة اخرى هاتي عمرتي طبلة 7-ومنساوش رمضان شهر فضيل خاصنا نستاغلوه فالعبادة ماشي غير فالكوزينة نقراو شوية القرآن فكل يوم باش نختموه 8-ملي نكونو كنشقاو وحنا صايمين نبقاو نستغفرو الله ونسبحو هاكا كيعاونا الله على شغالنا ومكنحسوش بالتعب 9-فرمضان انشاء الله حاولو تقسمو الشقا ديالكم والطياب على طول النهار ديرو شوية ورتاحو شوية ميجي يوصل العصر تكونو ساليتو حتا يقرب وقت الفطور وسخنو وحطو 10-فالاخير كنتمناو من الله سبحانه يعاونا على شكره وذكره وحسن عباده واللهم ثبت قلوبنا على طاعة الله الى عجبكم بحال هاك نزيدكم فقط علق بنعم 🥰❤️ #الجميع #ترند