🌸نصائح ليوم 🌸 ✅فاش تخرجي حطي في صاكك قرعة ديال الماء ومتاكلي - تلفونك ديما يكون مشارجي ... ✅لبغيتي تمشي لشي بلاصة بعيدة متلبسيش الطالون لأنو غيخليك وسط الطريق سي كان مهم ديه معاك فالصاك توصلي فين بغيتي ولبسيه ... - المكياج لي كيخفي الملامح بلاش منو اوكي! ❌مطراصيش حجبانك بالكحل، حجبانك مطراسيهمش بالكحل، حجبانك بالكحل مطراصيهمش ✅فاش تبغي تغسلي الماعن او تسيقي لبسي ليگات، مساحيق التنظيف لن ترحم يديك ... ✅هدوك الناس لي عرفاهم مزيان كينافقوك، كيضحكو فوجهك ويهضرو موراك متحرقيش اعصابك على قبلهم ومضيعيش وقتك باش تحاولي تبيني لهم بلي راكي عارفاهم مكيسواو، التجاهل، التجاهل ثم التجاهل انه كمسدس بكاتم صوت لا يخطئ الهدف مطلقا ... ❌بعدي على كل رجل يملك انثاه، مزوج خاطب ناوي يخطب، العزارا عطى الله بلا شوهة عفاك... ✅حددي الاشياء الاساسية لي بغيتي فشريك حياتك وبداي تغربلي، متقبليش بأي كان فقط لانك كتحسي بالوحدة ... ✅تزوجي هداك لي جاي قاصدك لي باغيك و لي ختارك من بين الجميع متزوجيش واحد باغي غير اتزوج ويدير الولاد ومكان غيختالف الامر اذا تزوج شي وحدة اخرى ... ✅تهلاي فراسك تهلاي فراسك ثم تهلاي فراسك و متديهاش فأعداء الجمال لي السوشل ميديا عامرة بيهم ... خلقتي جميلة لذلك حافظي على جمالك .. ❌بعدي على الاشخاص المكتئبين لي كينشرو الطاقة السلبية في كل مكان و قلبي على لكيفكر بإيجابية ... ✅تعلمي تمشي للسوق بوحدك وتشري لي محتاجاه بدون اخد رأي شي حد راه تقدري فواحد النهار تلقاي راسك بوحدك .. - قراي، قراي ثم قراي ... الفلوس لي كتخسريهم على مستحضرات التجميل واقتناء اخر صيحات الموضة وامور اخرى قتاصدي منها ومرة مرة شري العلم لينفعك ... ✅عتامدي على راسك و اغراضك قضيهم لنفسك متسنايش باك و لا خوك و لا بوركابي يتكرمو عليك ويساعدوك راه مدايمينش لك ... ❌بعدي على هداك الانسان لي غير كيكونو عندو مشاكيل ولا كتوقع ليه شيحاجة فالخدمة اجي يفرغ فيك الغضب ديالو ويبدا يغوت ولا يمشي يغبر بالايام و الشهور بحالا نتي سبب المشكل، هاد النوع كيكون غير قادر على تحمل مسؤولياته ومشاكله ومكيقدرش افرق و لا يميز بلي نتي شريكة الحياة ماشي متنفس لكوارثه الداخلية، عزيزتي تأكدي انك لست مسؤولة اطلاقا على ما يحدث معه ...🍁🍁🍁 واش بعدا كيعجبوكم هدشي ولا لا خليو ليا الآراء ديالكم📩📩📩