كيكه الرواني
أو كيكة البسبوسة

المقادير
كوب دقيق سميد
كوب جوز هند ناعم
نص كوب دقيق أبيض
نص كوب سكر
نص كوب زيت
4 بيضات
كيس بيكينج بودر
كيس فانيليا
2 علبة زبادى ساده
ذرة ملح
شربات خفيف
للتزيين:
جوز هند

مقادير الشربات
كوب سكر
كوب ماء
عصير نصف ليمونة

الطريقه
إضربى البيض مع السكر والفانيليا وذرة الملح لغاية لما يبقى القوام كريمى .. إنزلى بالزيت وإستمرى فى الضرب .. إنزلى بالزبادى وإستمرى فى الضرب .. إنخلى الدقيق مع البيكينج بودر وضيفى عليهم جوز الهند ودقيق السميد وإخلطيهم كويس جدا .. إنزلى بالخليط الجاف على الخليط السائل تدريجيا حتى إختفاء الدقيق .. صبى الخليط فى صينية مدهونه زيت خفيف ومرشوشه بالدقيق .. دخلى الصينيه الفرن المسخن من قبل البدء فى عمل عجينة الكيكه .. درجة حراره 180 من 40 الي 45 دقيقه ونعمل اختبار بالخلة وفور خروج الكيكه إسقيها بالشربات البارد ورشى جوز الهند عليها وغطى الصينيه لمدة 15دقيقة وقطعى وألف هنا.