نصائح وأسرار باش ينجح معاك المسمن عارفة بلي أغلبية البنات كيصاوبوه مزيان ولكن كاين مبتدئات وكاين لي كتبغي تزيد تعلم 😍 أنا غنحاولةمنخلي حتا متتبعة ديالي متعرفش دير المسمن وحتا البنات لي معانا فهاد الصفحة مايبخلوش على اخواتهم بالنصائح ❤❤ أول الحاجة دقيق الفورص ديما خاص يكون كثر من القمح ( الفينو) العجينة خاصها دليك مزيان خليها ترتاح وعاودي دلكيها باش تعطيك الطوع وفاش تكوني تورقي متقطعش وباش يجيك المسمن محمر فالعجينة ديري معلقة ديال العسل أو معلقة سنيدة وبالنسبة باش يجيك مورق وخفيف والورقة مفرقة على ختها دروري خاصك تخلطي الزبدة مع الزيت والدقيق باش تورقي خاص الفينو ولا الحرشة تخلطي معاها خمارة الحلويات وإن شاء الله إلي تبعتي هاد النصائح غادي تولي محترفة فالمسمن 😉❤