بعض تجاربي فالباتيسري😊رأيكم 1.وصفة ليطرونش: درت 3 طبقات في كل طبقة 2 بيض نص كاس سكر نص كاس زيت نص كاس حليب مغرف فاني صغيرة رشة ملح الفرينة نورمالمو 6 مغارف انا نخدم عيني ميزاني هههه وباكي ونص خميرة حلويات شربتها بشاربات كاس سكر بزوج كيسان ماء مع طرونش تاع ليمون التزيين شونتيي كاس شونتيي مع كاس ناقص اصبع ماء بارد قريب جامد و شوية عصير ليمون الطبقة الصفراء لي من فوق هاديك خدمة سوبر كرام تاع الليمون ولي فيها نص كاس ماء مع نص كاس عصير ليمون خمس مغارف سكر ولا تحبو زيدو اذا جاكم قارس بزاف و زوج مغارف نشاء (مايزينة) ولابات اغوم تاع الليمون تخلطي كلش بارد في بارد من بعد تحطيها فوق النار كي تبدا تغلي نطفي عليها نخليها تدفا ونفرغها من الفوق وباقي التزيين كيما تحبو 2.الرولي : 3 بيض كاس سكر كاس زيت كاس حليب فاني رشة ملح فرينة 7 مغارف وعينك ميزانك وزوج خميرة حلوة وثان يتشرب بنفس الشاربات وكي يطيب نخرجوه نروليوه فالبابي كويسو ونغطةه بسارفيات حتى يبرد الرولي الاحمر: في لابات درت ملون احمر بذوق الفرولة وحشيتو بشونتيي والفراز ومعجونة الفراز الرولي الاصفر: نفس الشي برك الحشو درت شونتيي وبنان والتزيين درت شونتيي لونتو بالاصفر ودرت فيها عصير ليمون الطياب: الفور يتشعل من قبل يسخن من بعد كي نحطوه يطيب نديرو الفوق كامل ونقسو للكوشة 160 درجة من تحت برك من بعد نشعلولو من الفوق ياخذ لون ان شاء الله مانكون نسيت والو