تارتولات الفواكه وصفة مكتوبة
العجينة :
125غ زبدة طرية
نصف كاس سكر ناعم
2 صفار بيضة
رشة ملح
لافاني
رشة خميرة الحلويات
ونلمو بالفرينة
نحطها في كيس بلاستيكي وندخلها تبرد وترتاح فالثلاجة 20د ثم نديرها فلي مول ونثقبها بالفرشيطة ونعاود ندخلها الثلاجة باش كي يطيبو ميهبطوش

الكريمة :
نستعمل كريمة ديبلومات
نص لتر حليب
4 ملاعق معمرين مليح سكر عادي
5 ملاعق معمرين مايزينة
2 صفار بيض
نحركوهم مليح بارد في بارد ممبعد نديروهم فوق االنار ونبقاو نحركو حتى تعقد تماما نحيوها من النار نديرولها ملعقة زبدة ونغطيوها بكيس او ورق ونخلوها تبرد فالثلاجة جيدا
كي تبرد نضيفلها كاس شونتي ونخلطوهم مليح باالباتور

ندخل للفرن لي تارتولات تاعنا حتى يتحمرو ثم نخرجهم نخليهم يبردو باش نديموديلهم هاكدا باش ميتكسروليش ثم نعمرهم بواسطة لابوش بالكريمة لي حضرناها ونزينها بالفواكه حسب الرغبة مع لاجولي وخلوهم يبردو وقدموهم وبصحتكم