لامونة مكتوبة
المقادير
كاس حليب
مغرف كبيرة خميرة الخبز
3مغارف كبار سكر عادي
ربع كاس زيت
قشور ليمون او لفاني
حبة بيض وبياض بيضة
مغرف صغيرة خميرة حلوى
مغرف صغيرة زبدة
قرصة ملح
طريقة التحضير
في اناء نضع الحليب معا السكر وخميرة الخبز وقشور الليمون وكأس من الفرينة ونمزجهم جيدا بواسطة فوي ونتركهم يتفاعلو 10 دقائق
منبعد نزيد زيت والبيض ونلم بالفرينة حتا نتحصل على عجينة طرية وتتلاصق فاليد ( قد متخلوها تتلاصق قد متجيكم خفيفة ) منبعد نخليها ترتاح حتى تختمر ( نخمرها زوج خطرات ) ومبعد نحطلها مغرف زبدة وندخلها في وسظ لعجينة ونخبط العجينة جيدا مثل المطلوع حتى تدخلع الزبدة جيدا ومنبعد نقسم العجينة الى قسمين جينا زوج خبزات ونخبزها في صينية سمك يكون حوالي 2 سم ونخليها حتى تخمر منبعد ندهنها بالبيض وندخلها طيب فالفور لي نكونو سخناه مقبل على نار متوسطة
الحشو
نصف لتر حليب مايعادل 3 كيسان حليب 3 مغارف كبار مايزينة نص كاس سكر حبة بيض ونديرهم فوق النار ونبقا نحرك حتى تثقل معانا الكريمة منبعد نفرغها في طبسي ونغطي الوجه تاعها بكيس بلاستيكي ونديرها فثلاجة كي تبرد نجبدها نزيدلها 4 مغارف شونتيي كبار ونطلع بالباتور