طاجن كباب حلة بالبطاطس لحمة دايبة و طعم تحفة 🍲😋 ______________ المقادير _____ نصف كيلو لحمه مكعبات صغيرة نصف كيلو بصل مقطع شرائح ٣ فص ثوم مفروم ثمرة فلفل رومي اخضر وأحمر مقطع و ممكن فلفل حار نصف كوب طماطم مبشورة كوب و نصف ماء ساخن أو شوربة ٢ معلقة كبيرة زيت نباتي معلقة صغيرة فلفل أسود معلقة كبيرة بهارات لحمة ملح نصف معلقة صغيرة سكر نصف كيلو بطاطس مكعبات مكعب مرقة دجاج اختياري الطريقة ______ في وعاء حله علي نار عالية ننزل بالزيت (ي سلام بقى لو عندك حتة لية سيحيها مع الزيت) و نسيبه يسخن كويس و ننزل بمكعبات اللحمه و نقلب لحد متاخد لون دهبي من كل الجهات بعد كده نضيف الفلفل الاسود وننزل بالبصل و الفلفل الاخضر و الثوم علي اللحمه و نقلب لحد ما يذبل البصل شويه نضيف بقا نصف ملعقة صغيرة سكر و نقلب وننزل بالبهارات و تقلب كويس نضيف الطماطم المبشورة علي اللحم و البصل و تقلب جيدا لمدة دقيقتين نبداء نهدي النار خالص و يغطي اللحمه و نسبها علي نار هادئة كل شويه نقلب اللحمه و نسبها لحد ماتمتص كل السوائل و يضاف نص كوبايه ميه ساخنه و نسيب اللحمه لحد ماتستوي ولم تستوي نضيف البطاطس المكعبات و كوبايه ميه ساخنه و مكعب مرقة دجاج و نظبط الملح و نسبها علي نار متوسطة لحد ماتستوي البطاطس وتقدم ومعاها أرز ابيض او عيش وبألف هنا ❤️❤️e