أسهل والذ عيش ممكن تجربوه ( خبز فوكاتشا الايطالي 🥙❤Focaccia ) المقادير 💗 كوبايتين وربع دقيق كوباية مايه دافيه معلقه الا ربع صغيره خميره نص معلقه صغيره ملح معلقتين صغيرين لبن بودر معلقه ونص كبيره سكر معلقتين كبار زيت زيتون او زيت عادي الخطوات تبان كتيره لكن بجد من اسهل الفطاير اللي ممكن تعملوها الطريقه هنعجن كل المكونات مع بعض ولما تتلم هنعجنها ل 3 او 4 دقايق مش بتحتاج عجن كتير دا لو فيه العجان لو هنشتغل بايدينا ياريت نشتغل بمعلقه عشان العجينه هتكون بتلزق ومش متماسكه هنغطيها ونسيبها ترتاح تلت ساعه وبعدين هنجيب بوله نضيفه ونحط فيها معلقتين زيت وننزل فيها العجينه ونلمها من تحت لفوق بايدينا زي الصوره كدا هنعمل كدا لمدة دقيقه ولما تتلم كلها هنقلبها ع الجزء الملموم دا ونغطيها ونسيبها ترتاح تاني نص ساعه وهنكرر نفس الخطوه دي كمان مره وبردو هنسيبها نص ساعه تانيبعد كدا هندهن الرخامه زيت بسيط وننزل عليها العجينه ونفردها بسيط ونتني الطرفين ع بعض ونقفلهم كدا ونقفل من الناحيتين هنحطها ف صينيه مدهونه زيت ورشة دقيق ونفردها ونغطيها ونسيبها 10 دقايق وبعد كدا نرجعلها نبل اطراف صوابعنا بمايه بسيط ونضغط العجينه كدا عشان تدينا الشكل دا ونغطيها ونسيبها تاني ربع ساعه واخيرا نوزع عليها معلقه كبيره زيت زيتون وباطراف صوابعنا نضغط تاني بس مش جامد عشان نبرز الشكل ونرش رشة زعتر او ممكن روز مارى او اعشاب ايطاليه او اي اعشاب تفضلوها, دخلتها فرن سخن ع حراره 190 ف الرف الوسطاني اخدت تقريبا تلت ساعه وشغلت الشوايه اخدت لون خرجتها ودهنتها زبده او ممكن زيت زيتون وسيبتها تهدي وبسكينه فصلت جوانبها عن الصينيه وخرجتها وقطعتها.