رز بلبن مكشكش من غير تعقيد 🤍🤍 المقادير: • 1 لتر حليب كامل الدسم (4 أكواب) • 70 جرام رز مصري (حوالي ربع كوب) • سكر حسب الرغبة (من 4 لـ 6 معالق كبار، حسب درجة الحلاوة اللي تحبيها) الطريقة: - في حلة على نار متوسطة، سخني الحليب لحد ما يسخن بس، من غير ما يوصل للغليان. - ضيفي الرز المصري المغسول كويس للحليب. - قلبي باستمرار أول نص ساعة عشان الرز مايلزقش والحليب مايتكتلش. - بعد النص ساعة، هدي النار جدًا وسيبي الرز يكمل تسويته، مع التقليب كل شوية. - لما تحسي إن الرز استوى والقوام بدأ يتقل، ضيفي السكر وقلبي كويس لحد ما يدوب تمامًا. - لو لقيتي إن الحليب تقل والرز شرب معظم السوائل، ممكن تضيفي شوية حليب إضافيين (حوالي نصف كوب أو أكتر حسب القوام اللي تحبيه)، وسيبيه يكمل تسوية شوية كمان. - بعد ما الرز بلبن يجهز، صبيه في أطباق التقديم وسيبيه يبرد على درجة حرارة الغرفة. - بعد ما يبرد تمامًا، دخليه الثلاجة. - بعد حوالي 6 ساعات، هتلاقي الطبقة اللي فوق تكونت وبقت مكشكشة زي الجاهز بالظبط. ملاحظات: • مفيش داعي لأي إضافات زي فانيليا أو نشا أو كريم شانتيه، الرز المصري مع الحليب هو اللي بيظبط القوام بشكل طبيعي. • لو بتحبي الرز بلبن قوامه أخف شوية، زودي الحليب أثناء التسوية حسب رغبتك.