صوابع زينب😋😋 قبل ما تدخلي على المقادير والطريقة لازم تعرفي عوامل نجاحها معاكي وأهمها العجن الكويس تخدميها كويس في العجن ولازم ماية العجن تكون عادية مش دافية عشان متخمرش وتنفش منك في الزيت ونسبة الخميرة تكون قليلة المقادير 🥰 250جرام دقيق عادي حوالي كوبيتين إلا ربع 100جرام دقيق بسبوسة حوالي كوباية إلا ربع 50جرام سمنة حوالي ربع كوباية 3جرام خميرة فورية ربع معلقة صغيرة 130مل ماء حوالي نص كوباية طريقة تحضير صوابع زينب 👈إخلطي نوعين الدقيق مع بعض كويس ومعاهم الخميرة 👈حطي عليهم السمنة وبسيهم كويس مع بعض 👈إنزلي بالماية تدريجي وتعجني كويس جدا لمدة عشر دقايق عايزة العجينة ناعمة ومتماسكة 👈قطعي العجينة لكور متساوية بحجم الليمونة وإعمليها صوابع وشكليها بالبصامة الخاصة بيها أو بصامة الكحك أو قلب كرتونة عشان يعملك شكل حلزوني 👈إقليها في زيت ساخن ودرجة حرارة متوسطة مع الإستمرار في التقليب عشان تاخد لون موحد 👈تطلع في شربات تقيل دافي 🌲الشربات كوباية ونص سكر عليهم كوباية إلا ربع ماية وعصير ليمونة وڤانيليا يغلوا لمدة عشر دقايق على نار هادية متنسوش نصلي على الحبيب المصطفى صلى الله عليه وسلم