الكنافه🤩🤩 المقادير👎👎👎 نص كيلو كنافه كوبيه سمنه. الحشوه كويبتن لبن معلقتين كبار نشا رشه مستكه اختيارى او فانليا معلقتين قشطه الشربات تلات كوب سكر كوب وربع مياه رشه سكر وعصير ليمون الطريقه🏵️🏵️ اهم حاجه الكنافه تكون في الفريزر قبليها بيوم عشان نعرف نفركها كويس جدا وتبقى بالشكل اللي انتم شايفينه دوت في ناس بتضربها بالهاند بلندر او في الكبه انا بفركها بايديا طالما هي ساقعه متلجه السمنه هندفيها ما تكونش سخنه ولا تكون جامده ونفرك بيها الكنافه كويس جدا نشربها الكنافه بالسمنه ونحط معلقتين سكر بودره هنجيب صينيه مقاس 28 هندهنها سمنه كويس جدا وهنحط نص نص الكنافه ونكبسها كويس جدا جدا بايدينا او بكوبايه اهم حاجه كبسه الكنافه كبست الكنافه كويس بايديكي بالسمنه وكله تمام هتطلع معاكي مظبوطه بالمسطره الحشوه هنحط على النار اللبن مع السكر والنشا هنقلبهم على البارد وهنحطها على النار هنعمل مهلبيه يعني هنصب المهلبيه وهي سخنه على الكنافه الطبقه الثانيه من الكنافه مش هنحطها على طول دي التكه الثانيه هنخلي المهلبيه او القشطه الكدابه اللي احنا عاملينها تبرد خالص تعمل طبقه اللي هي الطبقه اللي هي بردت بعد كده نحط بقيه الكنافه اللي احنا سبناها ونجبسها برده بالراحه بس هنحطها في الفرن تاخد من نص ساعه او ربع ساعه على حسب فرنك في تكه تانيه ممكن نقلب الكنافه بس دي محتاجه حد محترف كويس عشان القشطه ما تبوظش منك الشربات بيكون بارد ما بيكونش سخن وبالف هنا وشفا 🥰🥰