المكونات
2 دجاجات مقطعين على جوج ولا حسب الرغبة
1 كيلو بصلة مقطعة رقيق
1/4 كيلو زيتون أخضر بدون عظم
نص كاس زيت الزيتون
1 معلقة كبيرة سمن
1 معلقة صغيرة إبزار
1 معلقة صغيرة كمون
1 معلقة صغيرة قزبر يابس
1 معلقة صغيرة سكنجبير مطحون
1 معلقة صغيرة زعفران
1 معلقة كبيرة ملح
راس ثومة محكوك
شوية قزبر و معدنوس مقطعين
1 حامضة مصيّدة كبيرة
طريقة التحضير (1 ساعة وربع)
كنهرمش الزعفران الحر باليد و كنرقدو فشوية دالماء و كنخليوه على جنب.

كنغسلو الدجاج مزيان، كنقطعو البصلة رقيقة و نفرمو القزبر.

كنحلّو الحامض المصير، كنحتافظو بالقشرة للتزيين و كنهرسو اللب ديالو. كنطحنو القزبر و الإبزار ولا نستعملوهم مطحونين مباشرة.

كنخلطو جميع مكونات التتبيلة فزلافة و نحركوها مزيان.

كنمرقّدو الدجاج فالتتبيلة و كنحاولو ندخلوها تحت الجلد إذا خليناه. كنخليوه ساعة فالتتبيلة باش يشرب المذاق.

فطنجرة فوق العافية، كنضيفو زيت الزيتون و السمن، و كنشحرّو الدجاج من الجهتين غير شوية حتى يبدل اللون.

كنقلبو الدجاج مزيان ثم كنزولوه و نخليوه على جنب.

كنزيدو البصلة فالزيت و كنقلبوها حتى تذبل، كنضيفو الملح باش تعاونا فالذبول.

كنحطو الدجاج فوق البصلة، كنزيدو عليه بقايا التتبيلة، الزيتون، و قشور الحامض المصيّد.

كنغطيو الطنجرة و كنخليوها طيب على نار مهيلة مدة ساعة حتى يطيب الدجاج.

كندخلو الدجاج للفرن تحت الشواية باش يتحمر، ثم كنصبو عليه المرق و الزيتون.

من الأفضل الطياب فطاجين فوق عافية مهيلة، ولكن يقدر يطيب فطنجرة عاد نقدموه فطاجين.

بالصحة و الراحة!