شوارما منزلية لذيذة بزاف ❤️ باغي تحضر شوارما فدارك وتكون بنينة بحال ديال المحلات؟ جرب هاد الوصفة السهلة والمضمونة! المقادير الدجاج: 1 كيلو صدر دجاج مقطع طراف طوال التتبيلة 1 مطيشة 1 بصلة ربيطة معدنوس وقزبر 6 فصوص ثوم نصف قشرة حامضة + 1 حامضة معصورة نصف كاس زيت 1 فلفلة حارة 1 دانون طبيعي (بدون سكر) الملح، الكمون، الخرقوم، الفلفلة الحمراء، شوي قرفة، ابزار، شوي هيل، 2 ورقات سيدنا موسى طريقة التحضير طحن كلشي في الخلاط حتى يولي صوص متجانس، وصبوه فوق الدجاج. خليوه يتشرب المذاق 6 ساعات أو أكثر فالثلاجة. منين تبغيو طيبوه، كتحطوه فوق شبكة حتى يتقطر، عاد طيبوه فمقلة على نار متوسطة مع التحريك، أو دخلوه الفرن. تحضير الخبز نصف كيلو دقيق أبيض 3 معالق زبدة شوي ملح وسكر 1 خمارة حلوى (15غ) ماء بارد للعجن طريقة التحضير عجنو المكونات مزيان، وخليوها ترتاح 15 دقيقة. فرقوها كويرات، وسدوهم 10 دقائق. طلقوهم بالمدلك مع شوي دقيق، وطيبوهم فمقلة مدهونة بزيت اللمسات الأخيرة قطعو خص حكو خيزو قطّعو مطيشة وبصلة رقيقة. عمرو الخبز بالشوارما والخضرة، زيدو صوص الثوم إلا بغيتو