اليوم دخول الابا جان مختلف عن المرتين السابقات الدخل بيها ، نزل بحدة والتحم على 3 عرضيات راد يسجل منهن ، وتبادل المراكز هو وغارسيا مرتين ، وكذلك مرر تمريرة طويلة ارضية الى مبابي

عادة لاعب الرباط الصليبي من يرجع يكول خايف ومايلتحم ويحاول يمرر بالمضمون ، لكن الحمد لله واضح انه مستعد للالتحام

والاهم انه ما فقد اهم ميزاته بالتمرير الارضي الدقيق والتمريرات الطويلة خلف المدافع

كل هذا اجه ضد خصوم بسيطة ومباريات محسومة ، بالتالي كل كلامي اعلاه هو (مو قياس) نهائيا ، لكن بنفس الوقت اللاعب العائد يحتاج الى هكذا مباريات سهلة ومحسومة حتى يلعب بدون ضغط لحد ما يستعيد رتم المباريات

الحكم حاليا مو صحيح هل هو مفيد ام لا ، ننتظر المباريات القادمة وخصوصا المباريات التنافسية الي ننضغط بيها وتنصنع ضدنا فرص كبيرة ، وقتها يكون الحكم دقيق