⬅️مزال تخافي من الولادة؟! الحل ساهل🤌🏻 تبعي معايا حبيبتي🚶‍♀️ 🔴لتجنب تمزق ولا شق العجان الحل ساهل فقط حنا النساء نهملو هذ الحاجة، وحتى في بلادنا ثقافة تهيأة العجان قليلة بزاف وحتى ولوكان كاينة بزاف من الحوامل مش مهتمين بالأمر. ✅تدليك منطقة العجان (راني حطيتلكم صورة تبين منطقة العجان)، دلكوها بزيت الزيتون مثلا وداومو عليها في الأسابيع الأخيرة خصوصا الشهر التاسع ✅هذا التدليك راح يخلي منطقة العجان لينة وتتمدد في الولادة. ✅وقبل التدليك: ديرو دوش خفيف ،المثانة تكون خاوية،أكيد يديك مغسولين. ✅المشي حتى هوا يساعد ويساعد بزاف(مشي ماشي جري مدام🙂🤌🏻) ✅كاين حتى بعض التمارين الرياضية كما تمارين كيجل، هذي تقوي عضلات الحوض. ✅ممارسة تمارين الكرة ballon de Gym, هذي كرة خاصة، ماشي لي جات تخدم بيها لالا سيدتي🙂🤌🏻، هاذ التمارين تعلمهم مختصة يا ساجفومة مختصة في التحضير للولادة يا طبيبة نساء ✅اليوڨا🧘‍♀️: ماشي غير تتفرجو المسلسلات باطل🙂، اليوغا راح تساعد في التنفس الصحيح والإسترخاء ✅أسكو علابالكم بلي التنفس يقلل من إحتمالية تمزق العجان 🤌🏻: ⬅️كاين بزاف طرق تنفس قبل الولدة وأثناء الولادة تساعدك على التحكم في آلام تقلصات الرحم وإرتخاء عضلات العجان وتمددها. ⬅️التنفس الصحيح هوا الجزء الأهم، ماراهمش يجرو موراك تنفسي في غرضك وببطئ، وإذا ركزتو كي تكون القابل تولدكم تقولك دخلي لهوا من نيفك وخرجيه من فمك خصوصا كي يروح لوجع،، على هذا لازم تسمعو للقابلة تاعك واش تقولك🤌🏻🤷‍♀️ 🔴إن شاءلله منسيت والو وفهمتكم شوية ، المهم حبيباتي راه كاين حاجة سموها تهيأة العجان في مراكز مختص وناس مختصين وحتى في مصلحة رعاية الأمومة والطفولةPMI كاين قابلات يفهموكم غاية 🔴وتليفون لي عندك يامدام ، غير 10دقائق بالكثير شوفي فيدياوات لتهيأة العجان، التدليك، التنفس،، راح تفيدي روحك وتتثقفي