بيتزا منزلية روعة 😍 خفيفة ريشة و بزاف بنينة العجين: 4 كيسان فرينة+ بيضة+ 4 م ك زيت+ 1 م ك خميرة+ 1 م ك سكر+ 1 م ص ملح+ كأس كبير لبن دافي و كملي لمي بالماء الدافئ حتى تتحصلي على عجينة تتلاصق فاليد كيما لي فالصورة و غطيها تتخمر La sauce tomate : في قدر ندير 4 م ك زيت زيتون+ 4 سنات ثوم+ 5 حبات طماطم مقطعين براج + 1 م ك طماطم علب+ ملح+ فلفل كحل+ 1 م ك سكر + زعيترة+ 2 قرون فلفل حار+ قرن فلفل حلو+ 2 حبات بصل و خليها طيب ثم ميكسي الكل (تمدلك كمية صوص مليحة استخدمي لي تحتاجيه و جمدي الباقي لاستخدام آخر😉😉🤫) التزين: فرماج ابيض + زيتون+ فلفل + مرقاز نص طياب+ تون+ هريسة+ فرماج chedar ملاحظة : * سخني الفرن 20 دقيقة قبل ما تبدا الطياب و ما طوليلهاش غير يحماروا لحواشي شعليلها من فوق خاطر قد ما طول فالفور تيبس و ما جيش مليحة شهية طيبىة و دعواتكم طبعا 🤗🤗