بعض النصائح من طباخة حرايفية ماهرة غادي ينفعوك بزاااف

الدجاج_المحمر إلى بغيتي التقرميشة واللون المذهب ملي تبغي دخليه الفران عوض ذهنيه بالزبدة والحار ديري الزيت والحار وشوية صلصة الصوجا وتمتعي ليا يالالة بالتقرميشة واللون والمذاق

قطبان الدجاج أو الديك الرومي باش يجيوك فتيين وكلشي يحلف عليهم بلي لحم كثري فيهم القزبر يابس وزيديهم صلصة الصوجا وشوية الخل وتفكريني

زيدي القليل من بيكربونات الصودا غير شوية فجميع أنواع الغريبات باش تجيكم خطيرة هذا سر من أسرار الحريفيات

السفرجل ملي تبغي تعسليه فبلاصة الماء ديري عصير البرتقال وتفكريني واحد المذاق رائع جدا جدا

فاش ديري مرقة الدجاج أو اللحم وتجيك مالحة خلطي ملعقة مايزينة مع شوية الماء كتنقص من الملوحة وتخثر المرقة

السفة فٱخر تفويرة زيديها ياغورت بالفاني و صاشي ديال فاني وبلاصة سكر كلاصي ديري سكر سنيدة باش ما تطلقش ليك الماء و تجي طايبة تذوب فالفم والحبة تحسب ختها وسكر كلاصي خليه للتزيين فقط

إلى عجبوك النصائح ماتنسانيش من دعيوة الخيرة وجيم وبارطاج باش كلشي يستافد ومرحبا بكم جميعاً